ନୂଆପଡା ଉପ ନିର୍ବାଚନ:ପ୍ରାର୍ଥୀ ଘୋଷଣା କରିବାରେ ଆଗରେ କଂଗ୍ରେସ

ଓଡ଼ିଶା ଲେଖା ଅଫିସ: ନୂଆପଡା ଉପ ନିର୍ବାଚନ ଯେତିକି ପାଖେଇ ଆସୁଛି ସେତିକି ସରଗରମ ହେବାରେ ଲାଗିଛି ରାଜ୍ୟ ରାଜନୀତି । ନୂଆପଡା ରାଜନୀତି ପାଇଁ ଚିନ୍ତାରେ ରାଜ୍ୟ ସ୍ତରୀୟ ନେତା । କାହା ଦଖଲ ଯିବ ନୂଆପଡା ନିର୍ବାଚନ ମଣ୍ଡଳୀ ତାକୁ ନେଇ ଚାଲିଛି ଅଙ୍କକଷା । ତେବେ ସବୁଠୁ ଆଗରେ ଅଛି କଂଗ୍ରେସ । ନୂଆପଡାରେ କାହାକୁ ପ୍ରାର୍ଥୀ କରିବ ଓ କିଏ ବିଜୟୀ ହେବ ତାକୁ ନେଇ ବିଜେଡ଼ି, ବିଜେପି ଓ କଂଗ୍ରେସ ଦଳରେ ଅଙ୍କ କଷା ଚାଲିଥିବା ବେଳେ କଂଗ୍ରେସ ଆଗକୁ ପାଦେ ଆସି ନୂଆପଡା ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀଙ୍କ ନାମ ଘୋଷଣା କରିଛି । କଂଗ୍ରେସ ଦଳ 2024 ସାଧାରଣ ନିର୍ବାଚନରେ ଯାହା ଉପରେ ଆଶା ନକରି ଟିକେଟ ଦେଇନଥିଲା ତାଙ୍କ ଉପରେ ଉପ ନିର୍ବାଚନରେ ଭରସା ରଖି ନିର୍ବାଚନକୁ ଓହ୍ଲାଇଛି । ଘାସିରାମ ମାଝୀଙ୍କୁ କଂଗ୍ରେସ ନୂଆପଡା ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ଭାବେ ନାମ ଘୋଷଣା କରିଛି । ସେପଟେ ବିଜେଡ଼ି ଓ ବିଜେପି ଦଳରେ କାହାକୁ ଦଳୀୟ ସୁପ୍ରିମୋ ଭରସା କରି ନୂଆପଡା ନିର୍ବାଚନ ମୈଦାନକୁ ଓହ୍ଲାଇବେ ତାକୁ ନେଇ ଚାଲିଛି ଚର୍ଚ୍ଚା ।