ସ୍ୱାଭିମାନର ଗାଁ ବରକୋଳି ପାଟଣା:ଗାଁରେ ବିଜେଡ଼ିର ସାଙ୍ଗଠନିକ ବୈଠକ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ବ୍ଲକ ଅନ୍ତର୍ଗତ ବିରୁଡ଼ା ପଞ୍ଚାୟତର ବରକୋଳି ପାଟଣା ଗ୍ରାମବାସୀମାନେ ନିଜର ରାଜନୈତିକ ସମର୍ଥନକ ମାନଙ୍କୁ ନେଇ ବିଜେଡ଼ିର ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ ଯୋଗ ଦେଇ ଗାଁର ଏକତାକୁ ନେଇ କିଛିଦିନ ତଳେ ନେଇଥିବା ପଦକ୍ଷେପକୁ ନେଇ ଗ୍ରାମବାସୀଙ୍କ ପ୍ରତି କୃତଜ୍ଞତା ଜଣାଇଥିଲେ । ବିଜେଡ଼ି କିପରି ବିରୁଡ଼ା ପଞ୍ଚାୟତରେ ପୂର୍ବ ପରି ବଜାୟ ରଖିବ ତାକୁ ନେଇ ରଣକ୍ଷେତ୍ର ପ୍ରସ୍ତୁତ ଆରମ୍ଭ କରିଛନ୍ତି ଅରୁଣ । ଗ୍ରାମବାସୀଙ୍କ ପକ୍ଷରୁ “ଆମ ଗାଁ ବିଜେଡିର ଥିଲା, ବିଜେଡିର ଅଛି ଓ ବିଜେଡିର ରହିବ” ବୋଲି ମତ ପ୍ରକାଶ କରାଯାଇଛି। ଗ୍ରାମବାସୀମାନେ କହିଛନ୍ତି ଯେ, କୌଣସି ମିଛ ପ୍ରତିଶ୍ରୁତି, ପ୍ରଲୋଭନ କିମ୍ବା ମଦ-ମାଂସର ପ୍ରଭାବରେ ସେମାନେ ନିଜ ସ୍ୱାଭିମାନ ହରାଇବେ ନାହିଁ। ଗଣତାନ୍ତ୍ରିକ ମୂଲ୍ୟବୋଧ ଓ ନିଜ ରାଜନୈତିକ ବିଶ୍ୱାସକୁ ଆଧାର କରି ଆଗକୁ ବଢ଼ିବାକୁ ସେମାନେ ଦୃଢ଼ ସଂକଳ୍ପ ପ୍ରକାଶ କରିଛନ୍ତି। ଏଥିସହ ବିଜେପି ସରକାର ବିରୋଧରେ ଦୁର୍ନୀତି ଓ ଭ୍ରଷ୍ଟାଚାର ପ୍ରସଙ୍ଗକୁ ନେଇ ଲଢ଼େଇ ଜାରି ରଖିବାକୁ ଗ୍ରାମବାସୀମାନେ କହିଛନ୍ତି। ଏହି ଅବସରରେ ସେମାନେ “ଜୟ ବିଜେଡି, ଜୟ ନବୀନ, ଜୟ ଅରୁଣ” ନାରା ଦେଇଥିଲେ। ଗ୍ରାମବାସୀଙ୍କ ଏହି ମତାମତକୁ ନେଇ ସ୍ଥାନୀୟ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି।