ଓଡ଼ିଶା ଲେଖା ଅଫିସ: ରାଜ୍ୟ ସରକାରଙ୍କୁ ଅରୁଣଙ୍କ ଟାର୍ଗେଟ। ଆଗକୁ ନୂଆପଡାରେ ଉପ ନିର୍ବାଚନ ହେବାକୁ ଥିବା ବେଳେ ରାଜ୍ୟ ସରକାର ସେଠାରେ ପ୍ରକଳ୍ପ ଭିତ୍ତି ପ୍ରସ୍ତର ସ୍ଥାପନ କରୁଥିବାକୁ ନେଇ ରାଜ୍ୟ ବିଜେଡ଼ିର ବରିଷ୍ଠ ବିଧାୟକ ତଥା ପୂର୍ବତନ ମନ୍ତ୍ରୀ ଡ଼ ଅରୁଣ କୁମାର ସାହୁ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି। ୧୫ ମାସ ହେଲା କିଛି କାମ କଲେ ନାହିଁ ରାଜ୍ୟ ସରକାର ।କିନ୍ତୁ ଯେତେବେଳେ ନିର୍ବାଚନ ପାଖେଇ ଆସିଲା ସେତେବେଳେ ନୂଆପଡା ଜିଲ୍ଲା ପାଇଁ ସରକାରଙ୍କ ନୂଆପଡା ବିକାଶ କଥା ମନେ ପଡିଲା। ଯାହା ପଇସା ଦିଆଯାଇଥିଲା ତାହାକୁ ଫେରାଇ ନେଲେ । ଆମ ଓଡ଼ିଶା ଓ ନବୀନ ଓଡିଶାରେ ଯେଉଁ ଟଙ୍କା ଦିଆଯାଇଥିଲା ତାହା ବିଜେପି ସରକାର ଫେରାଇ ନେଲେ । ସାଉଁଟିବା କାଣ୍ଡ ଯୁଦ୍ଧକୁ ପାଏନି ଏ କଥା ବିଜେପି ବୁଝିବା ଦରକାର । ଏବେ ନୂଆପଡ଼ା ଉପ ନିର୍ବାଚନ ତାରିଖ ଘୋଷଣା ହେବ ବୋଲି ଜାଣି ମୁଖ୍ୟମନ୍ତ୍ରୀ ଏପରି ପ୍ୟାକେଜ ଘୋଷଣା କରିଛନ୍ତି । ଲୋକେ ଏହା ବୁଝି ଗଲେଣି । ନୂଆପଡାରେ ବିଜେପି ଚତୁର୍ଥ ସ୍ଥାନକୁ ଚାଲିଯିବ , କାମ ନକରି ଟଙ୍କା ଦେଲେ କ’ଣ ହେବ । ସେ ପଇସା ମିଳିବ କି ନାହିଁ ଜଣା ନାହିଁ । ବିଜେଡି ନିର୍ବାଚନରେ ଯାହା ପ୍ରତିଶ୍ରୁତି ଦିଏ, ତାହା ପରବର୍ତ୍ତୀ ସମୟରେ ପୂରଣ କରେ ବୋଲି ବିଜେଡ଼ି ବିଧାୟକ ଡ଼ ସାହୁ ପ୍ରକାଶ କରିଛନ୍ତି।
