ଚୌଦ୍ୱାର, (ଓଡ଼ିଶା ଲେଖା): କଟକ ଚୌଦ୍ୱାର ଥାନାର ଦାୟୀତ୍ୱ ନେଲେ ନୂତନ ଆଇଆଇସି ଦୀପକ କୁମାର ଖଣ୍ଡାୟତରାୟ। କିଛିଦିନ ତଳେ କମିଶନରେଟ ପୋଲିସ ଅଣ୍ଡରରେ ଥିବା ଥାନା ଗୁଡିକରେ ଆଇଆଇସି ମାନଙ୍କ ମଧ୍ୟରେ ଅଦଳ ବଦଳ ହୋଇଥିଲା। ତେବେ ଭୁବନେଶ୍ୱରର ବିବାଦୀୟ ଥାନା ଭାବେ ପରିଚିତ ହୋଇଥିବା ଭରତପୁର ଥାନାରେ ଦୀପକ କୁମାର ଖଣ୍ଡାୟରାୟ ଥାନାର ଦାୟୀତ୍ୱ ନେବା ପରେ ବିବାଦୀୟ ଥାନାରୁ ଭରତପୁର କୁ ଉଦ୍ଧାର କରି ଭଲ ଥାନାରେ ପରିଣତ କରିବା ପାଇଁ ସକ୍ଷମ ହୋଇଥିଲେ। ଏବେ ତାଙ୍କୁ ଭରତପୁର ଥାନାରୁ କଟକ ଚୌଦ୍ୱାର ଥାନାକୁ ବଦଳି ହୋଇଥିଲା। ତେବେ ଆଜି ବିଦ୍ଧିବଧ ଭାବେ ଶ୍ରୀଯୁକ୍ତ ଖଣ୍ଡାୟତରାୟ ଚୌଦ୍ୱାର ଥାନାରେ ପହଞ୍ଚି ଥାନାର ଦାୟୀତ୍ୱ ନେଇଥିବା ଜଣାପଡିଛି । ଦୀପକ ଏହା ପୂର୍ବରୁ ନୟାଗଡ଼ ଜିଲ୍ଲାର ଗଣିଆ, ଇଟାମାଟି, ନୟାଗଡ଼ ସଦର ଥାନା, ପୁରୀ ଜିଲ୍ଲାର ପିପିଲି ଥାନାର ଦାୟୀତ୍ୱ ନେଇ ସୁଚାରୁ ରୁପେ ଦାୟୀତ୍ୱ ସଂପର୍ଣ୍ଣ କରି ଜନସାଧାରଣଙ୍କ ପ୍ରଶଂସାର ପାତ୍ର ପାଲଟିଥିଲେ ଆଇଆଇସି ଦୀପକ କୁମାର ଖଣ୍ଡାୟତରାୟ। ତେବେ ପରବର୍ତ୍ତୀ ସମୟରେ ଗ୍ରାମାଞ୍ଚଳ ପୋଲିସରୁ ସହରାଞ୍ଚଳ ପୋଲିସକୁ ବଦଳି ହେବା ପରେ ଭୁବନେଶ୍ୱରର ବିବାଦୀୟ ଥାନା ଭାବେ ପରିଚିତ ଥିବା ଭରତପୁର ଥାନାରେ ଯୋଗ ଦେଇଥିଲେ। ଅପରାଧ ଦମନ କରିବା ସହ ବିବାଦୀୟ ଭିତରୁ ଭରତପୁର ଥାନାକୁ ବାହାରକୁ ଆଣିବାରେ ସକ୍ଷମ ହୋଇଥିଲେ। ତେବେ ଚୌଦ୍ୱାର ଥାନାର ନୂତନ ଆଇଆଇସି ଦୀପକ କୁମାର ଖଣ୍ଡାୟତରାୟଙ୍କୁ ଚୌଦ୍ୱାର ଥାନା ବଡ଼ ଚ୍ୟାଲେଞ୍ଜ ପାଲଟିବ। ଚୌଦ୍ୱାର ଥାନା ଅଞ୍ଚଳରେ ଥିବା ଘଟୁଥିବା ଅପରାଧ, ଡକାୟତି ରୋକିବାରେ ନୂତନ ଆଇଆଇସି କେତେ ସକ୍ଷମ ହେଉଛନ୍ତି ତାହା ଆଗାମୀଦିନରେ ଜଣାପଡିବ। ଆଇଆଇସି ଦୀପକ ଚୌଦ୍ୱାର ଥାନାର ଦାୟୀତ୍ୱ ନେବା ପରେ ଚୌଦ୍ୱାରର ବିଭିନ୍ନ ସଂଗଠନ ମହଲରୁ ଶୁଭେଚ୍ଛା ସୁଅ ଛୁଟିବାରେ ଲାଗିଛି।
