କେବେ ଚେତିବ ଇଟାମାଟି ପୋଲିସ ! ଘଣ୍ଟ ଘୋଡାଇବାକୁ ପ୍ରୟାସ

ଓଡ଼ିଶା ଲେଖା ଅଫିସ: ଗଣେଶ ପୂଜା ଭଷାଣିକୁ ନେଇ ନାକେଦମ ହେଲାଣି ଜିଲ୍ଲା ପୋଲିସ । କେଉଁଠି ଭଷାଣି କୁ ନେଇ ଗଣ୍ଡଗୋଳ ତ ଆଉ କେଉଁଠି ହତ୍ୟା । କିନ୍ତୁ ଏତିକିରେ ଚେତା ପଶୁନି । ଘଣ୍ଟ ଘୋଡ଼ାଇ ଚାଲିଛି ପୋଲିସ । ଏଭଳି ଘଣ୍ଟ ଘୋଡାଇ ଭଷାଣି ପାଇଁ ଅନୁମତି ନଥାଇ ଭଷାଣି କରିବାକୁ ପ୍ରଶୟ ଦେଉଥିବା ଯୋଗୁଁ ପୋଲିସକୁ କିଛି ଜାଗାରେ ବଦନାମ ହେବାକୁ ପଡୁଛି । ସେଥିରୁ ବାଦ ପଡିନି ଇଟାମାଟି ପୋଲିସ । ସୂଚନାନୁସାରେ, ନୟାଗଡ଼ ଜିଲ୍ଲା ଇଟାମାଟି ଥାନା ଅଞ୍ଚଳରେ ଥିବା ଇଟାମାଟି ଗାଁ ବାଣିଜ୍ୟର ପେଣ୍ଠସ୍ଥଳୀ। ପ୍ରତି ସାହି ସାହିରେ ଗଢ଼ି ଉଠିଛି ଦୋକାନ ବଜାର। ସେହିଥି ଯୋଗୁଁ ପ୍ରତେକ ସାହିରେ ମଧ୍ୟ ଗଣେଶ ପୂଜା ହେଉଥିବା ବେଳେ ଭଷାଣି ଉପରେ ରୋକ ଲଗାଇବାରେ ବିଫଳତା ସାଉଁଟିଛି ଇଟାମାଟି ପୋଲିସ। ଚଳିତ ମାସ 1ତାରିଖରୁ ଇଟାମାଟି ରେ ଗଣେଶ ପୂଜା ଭଷାଣି ହେଉଛି, ଯାହାଫଳରେ ସାହି ସାହି ମଧ୍ୟରେ ଗଣ୍ଡଗୋଳ ଉଗ୍ର ରୂପ ନେଉଥିବା ଜଣାପଡିଛି। ଏମିତିକି ଚଳିତ ମାସ 1ତାରିଖ ରାତିରେ ଇଟାମାଟି ତେଲି ସାହି ଓ କଂସାରୀ ସାହି ମଧ୍ୟରେ ଭଷାଣିକୁ ନେଇ ଗଣ୍ଡଗୋଳ ହୋଇଥିବା ବେଳେ କଂସାରୀ ସାହିର ଜଣଙ୍କ ଘର ଭାଙ୍ଗିଦେଇଥିବା ଜଣାପଡିଛି । ଘଟଣା ଯାଇ ଥାନାରେ ପହଞ୍ଚିଥିଲା କିନ୍ତୁ କେସ ହେବ କଣ ଘଣ୍ଟ ଘୋଡ଼ାଇ ସମାଧାନ ପାଇଁ ସମୟ ଦିଆଯାଇଛି। ଏପଟେ ସମାଧାନ ପାଇଁ ସମୟ ଦିଆଯାଇଛି, ସେପଟେ 3ତାରିଖ ରାତିରେ ପୁଣି ଗଣେଶ ପୂଜା ଭଷାଣିକୁ ନେଇ ଗୌଡ଼ ସାହି ଓ ଖଟିଆ ସାହି ମଧ୍ୟରେ ଗଣ୍ଡଗୋଳ ଉଗ୍ର ରୂପ ନେଇଥିବା ଜଣାପଡିଛି। ପୋଲିସ ମାମଲା ୠଜୁ କରିବ କଣ ଘଣ୍ଟ ଘୋଡାଇବାକୁ ପ୍ରୟାସ କରୁଥିବା ଜଣାପଡିଛି । ଏଭଳି କାଣ୍ଡ ଇଟାମାଟିରେଦୁଇ ଦୁଇ ଟି ଘଟଣା ଘଟି ଯାଇଥିବା ବେଳେ, ଶାସକ ଦଳର ଜଣେ କୁଜି ନେତା ଗଣ୍ଡଗୋଳକାରୀ ଙ୍କର ସୁରକ୍ଷାଦାତା ପାଲଟିଥିବା ବିଶେଷ ସୂତ୍ରରୁ ଜଣାପଡିଛି। ତେବେ କିଛି ଦିନ ତଳେ ଏହି ଗଣେଶ ପୂଜା ଭଷାଣିକୁ ନେଇ ଫତେଗଡ଼ ଥାନା ଅଞ୍ଚଳରେ ଏକ ହତ୍ୟାକାଣ୍ଡ ଘଟିଥିବା ବେଳେ ଇଟାମାଟି ଥାନା ଠାରୁ ଅନତି ଦୂରରେ ଦୁଇ ଦୁଇ ଟି ଗଣ୍ଡଗୋଳ ହେବା ବରିଷ୍ଠ ପୋଲିସ ଅଧିକାରୀଙ୍କ ମୁଣ୍ଡ ବ୍ୟଥାର କାରଣ ପାଲଟିଥିବା ବେଳେ ଇଟାମାଟି ପୋଲିସ ଶାସକ ଦଳର କୁଜି ନେତାଙ୍କ ଚାପରେ ଚେପା ହୋଇଛି । ତେଣୁ ଏଥି ପ୍ରତି ବରିଷ୍ଠ ପୋଲିସ ଅଧିକାରୀ ଦୃଷ୍ଟି ଦେବାକୁ ସାଧାରଣରେ ଦାବି ହୋଇଛି।