ରୋଟାରୀ କ୍ଲବ ନୟାଗଡ଼ର ପ୍ରେରଣାଦାୟୀ କାର୍ଯ୍ୟ: ମେଧାବୀ ଛାତ୍ରଙ୍କୁ ପ୍ରୋତ୍ସାହନର ହାତ ବଢାଇଲା ରୋଟାରୀ କ୍ଲବ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ସ୍ବୟଂ ଶାସିତ ମହାବିଦ୍ୟାଳୟ ଇକୋନୋମିକ୍ସି ବିଭାଗର ଦ୍ୱିତୀୟ ବର୍ଷ ମେଧାବୀ ଛାତ୍ରୀଙ୍କୁ ଆର୍ଥିକ ପ୍ରୋତ୍ସାହନ ରାଶି ପ୍ରଦାନ କରିଛି ନୟାଗଡ଼ ରୋଟାରୀ କ୍ଳବ୍। ଆଜି ରୋଟାରୀ କ୍ଳବର ସଭାପତି ବସିରନ ବିବି, ରୋଟାରୀ କ୍ଲବ ଉପସଭାପତି ମଦନ ମୋହନ ମହାପାତ୍ର ଏବଂ ସଂପାଦକ ଅବିନାଶ ସାହୁ ନୟାଗଡ଼ ସ୍ଵୟଂ ଶାସିତ ମହାବିଦ୍ୟାଳୟକୁ ଗସ୍ତ କରିଥିଲେ । ମହାବିଦ୍ୟାଳୟର ଅଧ୍ୟକ୍ଷ ବିପିନ ବିହାରୀ ପଟ୍ଟନାୟକଙ୍କୁ ସାକ୍ଷାତ କରି ସବିଶେଷ ଆଲୋଚନା କରିବା ସହ ଦ୍ୱିତୀୟ ବର୍ଷର ମେଧାବୀ ଛାତ୍ରୀ ରଶ୍ମିତା ପରିଡ଼ାଙ୍କୁ ୧୦ହଜାର ଟଙ୍କା ଆର୍ଥିକ ପ୍ରୋତ୍ସାହନ ରାଶି ପ୍ରଦାନ କରିଥିଲେ । ସୂଚନାନୁସାରେ, ମେଧାବୀ ଛାତ୍ରୀ ରଶ୍ମିତାଙ୍କ ବାପାଙ୍କ ଦେହାନ୍ତ ହେବା ପରେ ପାଠପଢ଼ା ଖର୍ଚ୍ଚ ପାଇଁ ବିଭିନ୍ନ ପ୍ରକାରର ଅସୁବିଧା ସୃଷ୍ଟି ହୋଇଥିଲା ହେଉଥିଲା । ଉକ୍ତ ଖବରଟି ରୋଟାରୀ କ୍ଲବ୍ ପାଖରେ ପହଞ୍ଚିବା କ୍ଷଣି ରୋଟାରୀ କ୍ଳବ୍ ପ୍ରୋତ୍ସାହନ ରାଶିର ହାତ ବଢ଼ାଇଥିଲେ। ଏବଂ ଆଗାମୀ ଦିନରେ ରଶ୍ମିତାଙ୍କ ପାଠପଢ଼ା ର ଦାୟୀତ୍ଵ ରୋଟାରୀ କ୍ଲବ୍ ନେବା ପାଇଁ ପ୍ରସ୍ତୁତ ଅଛି ବୋଲି ସଭାପତି ବସିରନ ବିବି ସୂଚନା ଦେଇଛନ୍ତି। ଛାତ୍ରୀଙ୍କୁ ପ୍ରୋତ୍ସାହନର ହାତ ବଢ଼ାଇବା ସମୟରେ ଅଧ୍ୟାପକ ଦିଲ୍ଲୀପ ମିଶ୍ର, ଆଶୁତୋଷ ମିଶ୍ର ଉପସ୍ଥିତ ଥିଲେ ଏବଂ ରୋଟାରୀ କ୍ଲବର ଏହି ଛୋଟିଆ ପ୍ରୟାସକୁ ଅଧ୍ୟକ୍ଷ, ଅଧ୍ୟାପକ/ଅଧ୍ୟାପିକା ଓ ଶୁଭେଚ୍ଛୁ ମାନେ ପ୍ରସଂଶା କରିଥିଲେ।