ଓଡ଼ିଶା ଲେଖା ଅଫିସ: ଅପହରଣ କରିଥିବା ଟ୍ରକ୍ ଡ୍ରାଇଭରକୁ ଗିରଫ କରିବା ସହ ଟ୍ରକ୍କୁ ଜବତ କରିଛି ପୁଲିସ୍ । ପୂର୍ବରୁ ମହିଳାଙ୍କୁ ଅପହରଣ କରିବାବେଳର ଭିଡିଓ ସିସିଟିଭିରେ କଏଦ ହୋଇଥିଲା । ଟ୍ରକ୍ ଡ୍ରାଇଭର ଜଣଙ୍କ ଏକୁଟିଆ ଠିଆ ହୋଇଥିବା ସୁଯୋଗ ନେଇ ମହିଳାଙ୍କୁ ଜୋର ଜବରଦସ୍ତ ଉଠାଇ ନେଉଥିବା ଦୃଶ୍ୟ ସିସିଟିଭିରେ କଏଦ ହୋଇଥିଲା । ସୂଚନାନୁସାରେ, ୧୬ ନମ୍ୱର ଜାତୀୟ ରାଜପଥ ଉପରେ ଏକ ଅଟକିଥିଲା । ଗତ ଶୁକ୍ରବାର ରାତି ଅଧରେ ବର୍ଷା ଯୋଗୁଁ ଏକ ଦୋକାନ ବାରଣ୍ଡାରେ ଜଣେ ମାନସିକ ବିକୃତ ମହିଳା ଆଶ୍ରୟ ନେଇଥିଲେ । ନିଛାଟିଆ ଦେଖି ଉକ୍ତ ମହିଳାଙ୍କୁ ଟେକି ନେଇଥିଲା ଟ୍ରକ୍ ଡ୍ରାଇଭର୍ । ଡ୍ରାଇଭର ଉଠେଇ ନବାର ଘଟଣା ସିସିଟିଭି କ୍ୟାମେରାରେ କଏଦ ହୋଇଥିଲା । ପୋଲିସ ପେଟ୍ରୋଲିଂ କରୁଥିବା ବେଳେ ଏଭଳି ଜଘନ୍ୟ କାଣ୍ଡ ଭଦ୍ରକ ପୋଲିସର ପାରିବା ପଣିଆ ଉପରେ ପ୍ରଶ୍ନବାଚୀ ସୃଷ୍ଟି କରିଛି। ତେବେ ଏହି ଘଟଣା ସୋସିଆଲ ମିଡ଼ିଆରେ ଭାଇରାଲ ହେବା ପରେ ପୋଲିସର ନିଦ ଭାଙ୍ଗିଛି। ଭଦ୍ରକ ଟାଉନ ଥାନା ଅନ୍ତର୍ଗତ ଚରମ୍ପା ୧୬ ନମ୍ୱର ଜାତୀୟ ରାଜପଥ ପୁଲିସ ରିଜର୍ଭ ଅଫିସ ଚମ୍ପା ଫାଣ୍ଡି ଛକ ନିକଟରେ ଅଟକିଥିଲା ଜାତୀୟ ରାଜପଥରେ ଯାଉଥିବା ଏକ ଟ୍ରକ୍ । ଏକୁଟିଆ ମହିଳାଙ୍କୁ ଦେଖି ଟ୍ରକ୍ ଡ୍ରାଇଭର ଗାଡ଼ି ଅଟକାଇଥିଲା ଏବଂ ଜୋର ଜବରଦସ୍ତ ଅପହରଣ କରି ଟ୍ରକରେ ପଳାଇଥିବା ଦେଖିବାକୁ ମିଳିଥିଲା । ତେବେ ପୋଲିସ ବିଭିନ୍ନ ସ୍ଥାନରେ ତନଖି କରିବା ପରେ କେନ୍ଦୁଝର ଅଞ୍ଚଳରୁ ଡ୍ରାଇଭରକୁ କାବୁ କରିଥିବା ବେଳେ ଟ୍ରକ କୁ ଜବତ କରିଛି । ଡ୍ରାଇଭରର କାବୁ କରିବା ପରେ ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ଯେ, ଉକ୍ତ ଡ୍ରାଇଭର ଜଣଙ୍କ ମାନସିକ ବେକାର ଗ୍ରସ୍ତ ମହିଳାଙ୍କୁ ଉଠାଇ ନେଇ ଦୁଷ୍କର୍ମ କରି ଫିଙ୍ଗି ଦେଇଥିଲା । ତେବେ ପୋଲିସ ଅପହୃତା ମହିଳାଙ୍କୁ କେନ୍ଦୁଝର ଆନନ୍ଦପୁର ବରପଦାରୁ ଉଦ୍ଧାର କରି ଡାକ୍ତରୀ ମାଇନା ପାଇଁ ପଠାଇଥିଲା ପୋଲିସ ।
ମାନସିକ ବିକୃତ ମହିଳାକୁ ଉଠାଇନେବା ଘଟଣା: କେନ୍ଦୁଝରରୁ ଅପହରଣକାରୀ ଡ୍ରାଇଭର ଗିରଫ, ଟ୍ରକ ଜବତ
