ନୟାଗଡ଼, (ଓଡ଼ିଶା ଲେଖା): ପ୍ରକାଶ ହୋଇଯାଇଛି ଓପିଏସସି ପରୀକ୍ଷା ଫଳ। ସେଥିରେ ୩୯୮ଜଣ ଛାତ୍ରଛାତ୍ରୀ କୃତକାର୍ଯ୍ୟ ହୋଇଥିବା ବେଳେ ନୟାଗଡ଼ ଜିଲ୍ଲା ରଣପୁର ବ୍ଲକର ଦୁଇ ଜଣ ଛାତ୍ରଛାତ୍ରୀ କୃତକାର୍ଯ୍ୟ ହୋଇଛନ୍ତି। ଏହି ଉଦୟମାନ ଛାତ୍ର ଛାତ୍ରୀଙ୍କ ପାଖରେ ନୟାଗଡ଼ ଜିଲ୍ଲା ପରିଷଦ ଅଧ୍ୟକ୍ଷ ଇଂ ଦେବାଶିଷ ପଟ୍ଟନାୟକ ପହଞ୍ଚି ଶୁଭେଚ୍ଛା ଜଣାଇବା ସହ ଉପ ଢୌକନ ଦେଇ ସମ୍ବର୍ଦ୍ଧିତ କରିଥିଲେ। ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ଲୋଧାଚୁଆ ଗ୍ରାମର ବିଜେଡ଼ି କାର୍ଯ୍ୟକାରୀ ସଭାପତି ବାନାମ୍ବର ନାୟକଙ୍କ ଝିଅ ସୁନିତା ନାୟକ ଓପିଏସସି ପରୀକ୍ଷା ପାଇଁ ଦିନ ରାତି ପରିଶ୍ରମ କରି ପରୀକ୍ଷା ଦେଇଥିଲେ।
ତାଙ୍କ ପରିଶ୍ରମ ଆଜି ସଫଳତାରେ ପରିପୂର୍ଣ ହୋଇଛି । ପରୀକ୍ଷାରେ ଭଲ ରାଙ୍କ ରଖି ଓପିଏସସିରେ କୃତକାର୍ଯ୍ୟ ହୋଇଛନ୍ତି। ସେହିପରି ରଣପୁର ଗୋପାଳପୁର ଗାଁର ସାଇ ରମଣ ପାତ୍ର ମଧ୍ୟ ଭଲ ରାଙ୍କ ରଖି ଓପିଏସସି ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି। ଏହି ଦୁଇଜଣ ଓପିଏସସି ପରୀକ୍ଷାରେ କୃତକାର୍ଯ୍ୟ ହୋଇ ରଣପୁର ବ୍ଲକ ପାଇଁ ଗୌରବ ଆଣିଛନ୍ତି । ତେଣୁ ଆଜି ଜିଲ୍ଲା ପରିଷଦ ଅଧ୍ୟକ୍ଷ ଶ୍ରୀଯୁକ୍ତ ପଟ୍ଟନାୟକ ଦୁଇ କୃତକାର୍ଯ୍ୟ ହୋଇଥିବା ଛାତ୍ର ସାଇ ରମଣ ଓ ଛାତ୍ରୀ ସୁନିତାଙ୍କ ପାଖରେ ପହଞ୍ଚି ଶୁଭେଚ୍ଛା ଜଣାଇବା ସହ ଉପ ଢୌକନ ଦେଇ ସମ୍ବର୍ଦ୍ଧିତ କରି ସେମାନଙ୍କ ଉତ୍ତୋରତର କାମନା କରିଛନ୍ତି।
