ନୟାଗଡ଼, (ଓଡ଼ିଶା ଲେଖା): କିଏ ସମ୍ଭାଳିବ ଜିଲ୍ଲାର ଦାୟୀତ୍ୱ, କାହାକୁ ବାଛିବେ 35ଜଣିଆ ଚୟନ କମିଟି, କାହାକୁ ଜିଲ୍ଲାର ଦାୟୀତ୍ୱ ଦେଲେ କଂଗ୍ରେସ ଦଳର ସଂଗଠନ ସୁଦୃଢ ହେବ । ଏହାକୁ ନେଇ ଲାଗିଥିବା କଳ୍ପନା ଜଳ୍ପନାର ଅନ୍ତ ଘଟାଇଛନ୍ତି ଏଆଇସିସିର ସାଧାରଣ ସଂପାଦକ । ରାଜ୍ୟର ବିଭିନ୍ନ ଜିଲ୍ଲାର କଂଗ୍ରେସ ଦଳ ତା’ର ଜିଲ୍ଲା ସଭାପତି ଚୟନ କରିବାରେ ବିଗତ ଦିନରେ ଏଆଇସିସି ଏକ 35ଜଣିଆ ଚୟନ କମିଟି ଗଠନ କରିଥିଲା । ଏହି ଚୟନ କମିଟି ବିଭିନ୍ନ ଜିଲ୍ଲା ଗସ୍ତ କରି କର୍ମୀ ମାନଙ୍କ ସହ ଆଲୋଚନା କରି ଜିଲ୍ଲା ସଭାପତି ଦୌଡ଼ରେ କିଏ କିଏ ଅଛନ୍ତି ସ୍ଥିତି ସମୀକ୍ଷା କରିଥିଲେ । ସଭାପତି ଦୌଡରେ ଥିବା ନେତାମାନଙ୍କୁ ସ୍ଥାନୀୟ ଅଞ୍ଚଳର କର୍ମୀ, ବୁଦ୍ଧିଜୀବୀ, ଆଇନୀଜୀବି, ସାମ୍ବାଦିକ, ଏନଜିଓ, ବରିଷ୍ଠ ନାଗରିକ କେତେ ପସନ୍ଦ କରନ୍ତି ତାହାର ସ୍ଥିତି ପରୀକ୍ଷା କରିବା ଆଜି ଜିଲ୍ଲା ସଭାପତିଙ୍କ ନାମ ଘୋଷଣା କରିଛି ଏଆଇସିସି । ଯଦି ନୟାଗଡ଼ କଥା ଦେଖିବା ପୂର୍ବରୁ ରଣଜିତ ଦାଶ ଜିଲ୍ଲା ସଭାପତି ଦାୟିତ୍ୱ 2018 ମସିହାରୁ ଲଗାତର ଭାବେ ତୁଲାଇ ଆସୁଥିବା ବେଳେ କିଛି ମାସ ହେବ ଏଆଇସିସି ଜିଲ୍ଲା ସଭାପତି ପଦ ରଦ୍ଦ କରିଥିଲା ଏବଂ ଜିଲ୍ଲା କାର୍ଯ୍ୟକାରୀ ସଂଯୋଜକ ଭାବେ ସତ୍ୟବ୍ରତ ନାୟକଙ୍କ ନାମ ଘୋଷଣା କରିଥିଲା । ତେବେ କିଛି ମାସ ହେବ ସତ୍ୟବ୍ରତ ନାୟକ ଜିଲ୍ଲା କଂଗ୍ରେସର ଦାୟୀତ୍ୱ ସମ୍ଭାଳି ଆସୁଥିବା ବେଳେ ଏଆଇସିସି ଜିଲ୍ଲା ସଭାପତି ଚୟନ କରିବାକୁ 35ଜଣିଆ କମିଟି ଗଠନ କରିଥିଲେ । ଉକ୍ତ କମିଟିରେ ସାଂସଦ, ବିଧାୟକ ଓ ବହୁ ବରିଷ୍ଠ କଂଗ୍ରେସ ନେତା ଥିଲେ । ତେବେ ନୟାଗଡ଼ ଜିଲ୍ଲା କଂଗ୍ରେସ ସଭାପତି ପଦ ପାଇଁ ସତ୍ୟବ୍ରତ ନାୟକ, ରଣଜିତ ଦାଶ, ବିଭୂ ମିଶ୍ର ଓ ହୁସେନ ଖାଁ ଦୌଡ଼ରେ ଥିଲେ । 35ଜଣିଆ ଚୟନ କିମିଟି ନେତାମାନଙ୍କ ପାରିପାର୍ସିକ ସମୀକ୍ଷା କରିବା ପରେ ଆଜି ଏଆଇସିସିର ସାଧାରଣ ସମ୍ପାଦକ ରାଜ୍ୟର ବିଭିନ୍ନ ସ୍ଥାନର ଜିଲ୍ଲା ସଭାପତିଙ୍କ ନାମ ଘୋଷଣା କରିଛି । ତେବେ ନୟାଗଡ଼ ଜିଲ୍ଲାର ଦାୟୀତ୍ୱ ପୁଣି ଥରେ ରଣଜିତ ଦାଶଙ୍କ ଉପରେ ଦଳ ଭରସା କରିଛି ।ଏବଂ ଜିଲ୍ଲା ସଭାପତି ଭାବେ ତାଙ୍କ ନାମ ଘୋଷଣା କରିଛି । ରଣଜିତ ଦାଶ ପୁଣି ଥରେ ଜିଲ୍ଲା ସଭାପତି ହୋଇଥିବାରୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ତେବେ ଆଗାମୀଦିନରେ ରଣଜିତ ଦାଶ(ଜିତୁ) ଦଳର ସଂଗଠନ କିପରି ସୁଦୃଢ କରୁଛନ୍ତି ତାହା ଦେଖିବାକୁ ବାକି ରହିଲା ।
