ପୋଲସରା, (ଓଡ଼ିଶା ଲେଖା): ବନ୍ଦ ଘର ଭିତରୁ ଜଣେ ଯୁବତୀଙ୍କ ମୃତ ଶରୀର ଉଦ୍ଧାର କରିଛି ପୋଲିସ। ହତ୍ୟା ସନ୍ଦେହ କରି ପୋଲିସ ତଦନ୍ତ କରୁଛି। ଗଞ୍ଜାମ ଜିଲ୍ଲା ପୋଲସରା ଥାନା ଚଢ଼ିଆପଡ଼ା ଗ୍ରାମରେ ଏକ ବନ୍ଦ କୋଠରୀରୁ ଜଣେ କଲେଜ୍ ଛାତ୍ରୀଙ୍କ ମୃତଦେହ ଉଦ୍ଧାର ହୋଇଛି । ମୃତ ଛାତ୍ରୀ ଜଣକ ବାଲିଛାଇ ଗ୍ରାମର ସୋନାଲି ବେହେରା ହୋଇଥିବା ବେଳେ ଆଜି ସେ କଲେଜକୁ ଯାଉଥିବା ପରିବାର ଲୋକଙ୍କୁ କହି ବାହାରିଥିଲେ l ମଧ୍ୟାହ୍ନରେ ସେ ଆତ୍ମହତ୍ୟା କରିବା ନେଇ ଜଣେ ଯୁବକ ଖବର ଦେବାପରେ ପରିବାର ଲୋକେ ଚଢିଆପଡା ଗ୍ରାମରେ ପହଞ୍ଚି ମୃତଦେହ ଦେଖି ପୋଲିସକୁ ଖବରଦେଇଥିଲେ l ତେବେ ତାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ ଆଣିବା ସହ ପୋଲିସ କୁ ଖବରଦେଇଥିଲେ l ପୋଲସରା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି l ତେବେ ପୁରୁଷ ବନ୍ଧୁ ଙ୍କ ଘରୁ ଯୁବତୀ ଙ୍କ ମୃତଦେହ ମିଳିବା ପରେ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି l ପୋଲିସ ଶବ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଥିବା ବେଳେ ବ୍ୟବଚ୍ଛେଦ ରିପୋର୍ଟ ଆସିଲେ ହତ୍ୟା ନା ଆତ୍ମହତ୍ୟା ଜଣାପଡିବ l ପୋଲିସ ପୁରୁଷ ବନ୍ଧୁଙ୍କ ସହ ଅନ୍ୟଜଣଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି।
