ଏସିଆ ଟାଇକୋଣ୍ଡା ପ୍ରତିଯୋଗିତା:ନୟାଗଡ଼ ଜିଲ୍ଲା ପାଇଁ ଗୌରବ ଆଣିଲେ ନିର୍ଭିକା

ଓଡ଼ିଶା ଲେଖା ଅଫିସ: ୮ ଟି ଦେଶ ମଧ୍ୟରେ ନୟାଗଡ଼ ଜିଲ୍ଲା ଖଣ୍ଡପଡା ଅଞ୍ଚଳ ଜଣେ 7ବର୍ଷର କୁନି ଝିଅ ଗୋଲ୍ଡ ମେଡାଲ ହାସଲ କରି ଜିଲ୍ଲାକୁ ସାରା ଦେଶରେ ଗୌରାବାନ୍ୱିତ କରିଛି।କୁନି ଝିଅ ଜଣଙ୍କ ହେଲେ ଖଣ୍ଡପଡ଼ା ଅଞ୍ଚଳର ବରିଷ୍ଠ କଂଗ୍ରେସ ନେତ୍ରୀ ବିନୋଦିନୀ ମହାନ୍ତିଙ୍କ ନାତୁଣୀ ନିର୍ଭିକା ମହାନ୍ତି। ଭାରତ, ଶ୍ରୀଲଙ୍କା, ମାଲେସିଆ, ନେପାଳ, ଭୁଟାନ, ଥାଇଲାଣ୍ଡ, ବାଂଲାଦେଶ ଓ ସିଙ୍ଗାପୁର ଆଦି ୮ ଟି ଦେଶକୁ ନେଇ ପ୍ରଥମ ଏସିଆ ଟାଇକୋଣ୍ଡା ପ୍ରତିଯୋଗିତା ହାଇଦ୍ରାବାଦରେ ଅନୁଷ୍ଠିତ ହୋଇଯାଇଛି। ଏଥିରେ ୮ ଟି ଦେଶ ପ୍ରତିଯୋଗୀ ମାନେ ସାମିଲ ହୋଇଥିବା ବେଳେ ଓଡ଼ିଶାରୁ କଂଗ୍ରେସ ନେତ୍ରୀ ବିନୋଦିନୀ ମହାନ୍ତଙ୍କ ନାତୁଣୀ ନିର୍ଭିକା ପ୍ରତିଯୋଗିତା ଭାଗ ନେଇଥିଲେ। ନିର୍ଭିକା ଭୁବନେଶ୍ୱର ଡ଼ିଏନ ଉଇସଡମ୍ ଟ୍ରି ବିଦ୍ୟାଳୟର ଷ୍ଟାଣ୍ଡାର୍ଡ -୧ର ଛାତ୍ରୀ ଭାବେ ଅଧ୍ୟୟନରତ। ତେବେଏସଏସ ମାରିଟାଲ ଆର୍ଟ ସ୍କୁଲ ତରଫରୁ ନିର୍ଭିକା ପ୍ରଥମ ଏସିଆ ଟାଇକୋଣ୍ଡା ପ୍ରତିଯୋଗିତାରେ ଭାଗ ନେଇଥିଲେ। ପ୍ରତିଯୋଗିତାରେ ଉତ୍ତମ ପ୍ରଦର୍ଶନ କରି ଗୋଲ୍ଡ ମେଡାଲ ପଦକ ଅକ୍ତିଆର କରିବାରେ ସକ୍ଷମ ହୋଇଛନ୍ତି। ଏପରି ସଫଳତାକୁ ନେଇ ନିର୍ଭିକାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିବାକୁ ଲାଗିଛି।