ଗୁଆହାଟୀ, (ଓଡ଼ିଶା ଲେଖା): ୱେଷ୍ଟଇଣ୍ଡିଜ୍ ବିପକ୍ଷ ଦ୍ୱିତୀୟ ଦିନିକିଆରେ ଭାରତୀୟ ବ୍ୟାଟରଙ୍କ ବିସ୍ଫୋରକ ପ୍ରଦର୍ଶନ। ଶୁଭମନ ଗିଲଙ୍କ ଅପରାଜିତ ୨୨୩ ରନ୍ର ରେକର୍ଡ ଦ୍ୱିଶତକ ଏବଂ ରୋହିତ ଶର୍ମାଙ୍କ ଦ୍ରୁତ ଶତକ ବଳରେ ଭାରତ ୪୦୬ ରନ୍ର ବିଶାଳ ଲକ୍ଷ୍ୟକୁ ମାତ୍ର ୮ ୱିକେଟ୍ ବାକି ରଖି ହାସଲ ବିଜୟ ହାସଲ କରିଛି। ଏହି ବିଜୟ ସହ ୩ଟି ମ୍ୟାଚ୍ ବିଶିଷ୍ଟ ସିରିଜ୍ରେ କୁ ଭାରତ ୨-୦ରେ ଅପରାଜେୟ ଅଗ୍ରଣୀ ନେଇ ସିରିଜ୍ କବ୍ଜା କରିଛି। ପ୍ରଥମେ ବ୍ୟାଟିଂ କରି ୱେଷ୍ଟଇଣ୍ଡିଜ୍ ୫୦ ଓଭରରେ ୪୦୫/୭ ରନ୍ର ବିଶାଳ ସ୍କୋର କରିଥିଲା। ଜନ୍ କ୍ୟାମ୍ପବେଲ୍, ଶାଇ ହୋପ୍ ଓ ଆମିର୍ ଜାଙ୍ଗୁ ଶତକ ହାସଲ କରି ଭାରତ ସମ୍ମୁଖରେ ବିଶାଳ ସ୍କୋର ଖଡା କରିଥିଲେ।
ଜବାବରେ ଭାରତ ପକ୍ଷରୁ ରୋହିତ ଶର୍ମା ମାତ୍ର ୭୨ ବଲ୍ରୁ ୧୦୧ ରନ୍ (୧୦ଟି ଚୌକା, ୬ଟି ଛକା) କରିଥିଲେ। ରୋହିତ ଓ ଗିଲ୍ ପ୍ରଥମ ୱିକେଟ୍ରେ ୨୫୫ ରନ୍ର ବିଶାଳ ଭାଗୀଦାରି ଗଢ଼ି ଭାରତର ବିଜୟକୁ ସହଜ କରିଥିଲେ। ଗିଲ୍ ମାତ୍ର ୧୩୩ ବଲ୍ରୁ ଅପରାଜିତ ୨୨୩ (୨୬ଟି ଚୌକା, ୮ଟି ଛକା) ରନ୍ କରିଥିଲେ। ଏହି ଐତିହାସିକ ଇନିଂସ୍ରେ ସେ ଦିନିକିଆ କ୍ରିକେଟ୍ର ଦ୍ରୁତତମ ଦ୍ୱିଶତକ ହାସଲ କରି ନୂଆ ରେକର୍ଡ ସୃଷ୍ଟି କରିଛନ୍ତି। ଏହା ଗିଲଙ୍କ ଦିନିକିଆ କ୍ୟାରିୟରର ଦ୍ୱିତୀୟ ଦ୍ୱିଶତକ। ଶେଷରେ ଭାରତ ୪୦୬ ରନ୍ର ଲକ୍ଷ୍ୟକୁ ୩୯ଟି ବଲ୍ ବାକି ଥାଇ ହାସଲ କରି ୮ ୱିକେଟ୍ରେ ବିଜୟୀ ହୋଇଛି। ମ୍ୟାନ ଅଫ ଦ ମ୍ୟାଚ ଭାବେ ଶୁଭମ ଗିଲ ବିବେଚିତ ହୋଇଥିବା ଜଣାପଡିଛି । ଏହା ଦିନିକିଆ ଇତିହାସରେ ଭାରତର ସର୍ବାଧିକ ସଫଳ ରନ୍ଚେଜ୍ ଭାବେ ମଧ୍ୟ ଦର୍ଜା ହୋଇଛି।
