ରଣଜିତ୍ କରିବେ ଖେଳ;ନୟାଗଡ଼ରେ ହେବ ଚ୍ୟାଲେଞ୍ଜ ଫୁଟବଲ ଟୁର୍ଣ୍ଣାମେଣ୍ଟ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଖେଳପଡ଼ିଆଠାରେ ପ୍ରଥମ ରାଜ୍ୟସ୍ତରୀୟ ‘ନୟାଗଡ଼ ଚ୍ୟାଲେଞ୍ଜ ଫୁଟବଲ ଟୁର୍ଣ୍ଣାମେଣ୍ଟ’ ଆୟୋଜନ କରାଯିବ। ଏନେଇ ନୟାଗଡ଼ ୟୁନାଇଟେଡ୍ ସ୍ପୋର୍ଟସ୍ ଆସୋସିଏସନ୍ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି। ଆବାହକ ତଥା ଜିଲ୍ଲା କଂଗ୍ରେସ ସଭାପତି ରଣଜିତ୍ ଏହି ଆୟୋଜନ କରୁଛନ୍ତି । ରାଜ୍ୟର ନାମୀଦାମୀ ଫୁଟବଲ ଦଳ ସହିତ ମହିଳା ଫୁଟବଲ ଖେଳାଳିମାନେ ମଧ୍ୟ ନୟାଗଡ଼ରେ ଯୋଗଦେଇ ନିଜର କ୍ରୀଡ଼ା ପ୍ରତିଭା ପ୍ରଦର୍ଶନ କରିବେ। ଏହି ଆୟୋଜନ ମାଧ୍ୟମରେ ନୟାଗଡ଼ରେ ଫୁଟବଲ ପ୍ରତି ଆଗ୍ରହ ବୃଦ୍ଧି ସହ ଯୁବ ପ୍ରତିଭାଙ୍କୁ ଏକ ମଞ୍ଚ ମିଳିବ ବୋଲି ନୟାଗଡ଼ ୟୁନାଇଟେଡ୍ ସ୍ପୋର୍ଟସ୍ ଆସୋସିଏସନ୍ ଆବାହକ ରଣଜିତ୍ ଦାଶ ଓ ଆୟୋଜକମାନେ ଆଶା ପ୍ରକାଶ କରିଛନ୍ତି। ଆସନ୍ତାକାଲି ଅପରାହ୍ନ ୪ ଘଟିକା ସମୟରେ ନୟାଗଡ଼ ଖେଳପଡ଼ିଆଠାରେ ପ୍ରଥମ ପ୍ରସ୍ତୁତି ବୈଠକ ଅନୁଷ୍ଠିତ ହେବ ବୋଲି ସୂଚନା ମିଳିଛି । ଡିସେମ୍ବର ମାସରେ ଏହି ଟୁର୍ଣ୍ଣାମେଣ୍ଟ ଆୟୋଜନ କରାଯିବ । ନୟାଗଡ଼ ସହରବାସୀ ପ୍ରସ୍ତୁତି ବୈଠକରେ ସାମିଲ ହେବା ଶ୍ରୀଯୁକ୍ତ ଦାଶ ଅନୁରୋଧ କରିଛନ୍ତି ।