ଓଡ଼ିଶା ଲେଖା ଅଫିସ: ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ଖେଳା ଯାଉଥିବା T-20 ଏସିଆ କପରେ ଭାରତ ପାକିସ୍ତାନକୁ ବଦଲା ନେଇଛି । ଭାରତ ଟିମ ଜବରଦସ୍ତ ବୋଲିଂ ଜବରଦସ୍ତ ବ୍ୟାଟିଂ ସହ ଦମଦାର ବିଜୟୀ ହୋଇଛି । ପେହେଲେଗାଓଁ ଘଟଣାକୁ ନେଇ ଭାରତ-ପାକିସ୍ତାନ ମ୍ୟାଚ ହେବ କି ନାହିଁ କଳ୍ପନା ଜଳ୍ପନା ସୃଷ୍ଟି ହୋଇଥିଲା । ସବୁ ଅପେକ୍ଷାର ଅନ୍ତ ଘଟାଇ ମ୍ୟାଚ ଆରମ୍ଭ ହେଲା ।
ପାକିସ୍ତାନ ଟସ ଜିତି ବ୍ୟାଟିଂ କରିବାର ନିଷ୍ପତ୍ତି ନେଇ ପଡ଼ିଆକୁ ପ୍ରବେଶ କରିଥିଲା । ନିର୍ଦ୍ଧାରିତ 20ଓଭରରେ 9ଟି ୱେକେଟ ହରାଇ 127ରନ କରିବାରେ ସକ୍ଷମ ହୋଇଥିଲା । ପାକିସ୍ତାନର ଖେଳାଳୀ ସାହିବଜାଦା ଫାରହାନ ସର୍ବାଧିକ 40ରନ (ବଲ-44, ଛକା-3ଟା ଓ ଗୋଟିଏ ଚୌକା)କରିବାରେ ସକ୍ଷମ ହୋଇଥିବା ବେଳେ ସାହୀନ ଶାହା ଆଫ୍ରିଦ 33ରନ (ବଲ -16, ଛକା-4, ଓ ଚୌକା-0)କରିବାରେ ସହାୟକ ହୋଇଥିଲେ ।
ଭାରତ ତରଫରୁ କୁଲଦୀପ ଯାଦବ ସର୍ବାଧିକ 3ଟି ୱେକେଟ ଅକ୍ତିଆର କରିଥିବା ବେଳେ ଯଶପ୍ରୀତ ବୁମରାହା ଓ ଅକ୍ଷର ପଟେଲ 2ଟି ଲେଖାଏଁ ୱେକେଟ ନେଇଥିଲେ। ଭାରତ 128ରନର ବିଜୟ ଲକ୍ଷ ନେଇ ପଡ଼ିଆକୁ ଓହ୍ଲାଇ ଥିଲା । ଭାରତ ଦମଦାର ବ୍ୟାଟିଂ ଆରମ୍ଭ କରିଥିଲା । ଛକା, ଚୌକାର ବର୍ଷଣ କରି 15ଓଭର 5ଟି ବଲ ଖେଳି ମୂଲ୍ୟବାନ 3ଟି ୱେକେଟ ହରାଇ 131ରନ କରି ଦୁବାଇ ମାଟିରେ ପାକିସ୍ତାନ ଦଳକୁ ଧୁଳି ଚଟାଇଥିଲା । ପେହେଲେଗାଓଁ ହମଲାର ଜବାବ ଦେଇଥିଲା ଭାରତ ।
ଭାରତ ପକ୍ଷରୁ ସୂର୍ଯ୍ୟକୁମାର ଯାଦବ 37ଟି ବଲ ଖେଳି ଗୋଟିଏ ଛକା, 5ଟି ଚୌକା ସହାୟତାରେ ସର୍ବାଧିକ 47ରନ କରିବାରେ ସକ୍ଷମ ହୋଇଥିଲେ । ସେହିପରି ଅଭିଷେକ ଶର୍ମା-31, ତିଳକ ବର୍ମା-31, ଶୁଭମନ ଗିଲ-10 ଓ ଶିବମ ଦୁବେ-10 କରି ପାକିସ୍ତାନକୁ ହରାଇ ବଜୟୀ ହୋଇଥିଲେ । ମ୍ୟାନ ଅଫ ଦ ମ୍ୟାଚ କୁଲଦୀପ ଯାଦବକୁ ଟ୍ରଫି ପ୍ରଦାନ କରାଯାଇଛି ।
