ନୟାଗଡ଼, (ଓଡ଼ିଶା ଲେଖା): ବିଦ୍ୟାଳୟରେ ଖେଳୁଥିବା ବେଳେ ଜଣେ ଛାତ୍ର ସାପ କାମୁଡ଼ାର ଶିକାର ହୋଇ ହସ୍ପିଟାଲରେ ଚିକିତ୍ସିତ ହେଉଥିବା ଜଣାପଡିଛି। ଛାତ୍ର ଜଣଙ୍କ ହେଉଛନ୍ତି ଦଶମ ଶ୍ରେଣୀର ରାହୁଳ କୁମାର ପ୍ରଧାନ। ସୂଚନାନୁସାରେ, ନୟାଗଡ଼ ଜିଲ୍ଲା ଭାପୁର ବ୍ଲକ ଅନ୍ତର୍ଗତ ଚକ୍ରଧରପ୍ରସାଦ ହାଇସ୍କୁଲର ଗୁରୁବାର ଅପରାହ୍ନ ଖେଳଛୁଟିରେ ଦଶମ ଶ୍ରେଣୀର ଛାତ୍ର ରାହୁଳ କୁମାର ପ୍ରଧାନ ଖେଳୁଥିବା ବେଳେ ସାପ କାମୁଡ଼ାରେ ଆହତ ହୋଇଥିଲେ। ସ୍କୁଲର ଶିକ୍ଷକମାନେ ବୋଡ଼ା ସାପ ସହିତ ରାହୁଲଙ୍କୁ ଭାପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ଅବସ୍ଥା ଗୁରୁତର ହେବାରୁ ଡକ୍ଟର ଭୁବନେଶ୍ୱର ସ୍ଥାନାନ୍ତରିତ କରିଥିବା ସୂଚନା।
