ନୟାଗଡ଼, (ଓଡ଼ିଶା ଲେଖା): ନୟାଗଡ଼ ସହରସ୍ଥିତ ସନ୍ ଆପୋଲୋ ଅଲଟ୍ରାସାଉଣ୍ଡ କ୍ଲିନିକ୍ରେ ପ୍ରସୂତି ମହିଳାଙ୍କ ସ୍କାନ କରାଯିବା ପାଇଁ ନିର୍ଦ୍ଧାରିତ ସମୟ ସମ୍ପର୍କରେ ପଚାରିବାକୁ ଯାଇଥିବା ବେଳେ ଜଣେ ଅଧିକାରୀଙ୍କ ଆଚରଣକୁ ନେଇ ପ୍ରଶ୍ନ ଉଠିଛି। ଅଭିଯୋଗ ଅନୁଯାୟୀ, ଆଜି ଗୁରୁବାର ପିସି-ପିଏନଡିଟି ସମ୍ପର୍କିତ ଅଧିକାରୀ ଶ୍ରୀ ଅଜିତ ପାଣିଗ୍ରାହୀଙ୍କୁ ଡାକ୍ତର ପ୍ରଶାନ୍ତ କୁଣ୍ଡୁଙ୍କ ଦ୍ୱାରା ପ୍ରସୂତି ମହିଳାଙ୍କ ଅଲଟ୍ରାସାଉଣ୍ଡ ସ୍କାନ ପାଇଁ ନିର୍ଦ୍ଧାରିତ ସମୟ ବିଷୟରେ ନମ୍ରତାର ସହ ପଚରାଯାଇଥିଲା। ତେବେ ପ୍ରଶ୍ନର ଉତ୍ତର ଦେବା ପରିବର୍ତ୍ତେ ଅଧିକାରୀ ଚୌକି ଛାଡ଼ି ସେଠାରୁ ଚାଲିଯାଉଥିବା ଅଭିଯୋଗ ହୋଇଛି। ଏହି ଘଟଣାର ଭିଡିଓ ରେକର୍ଡ କରାଯାଉଥିବା ସମୟରେ ମୋବାଇଲ ଫୋନ ଛଡ଼ାଇବାକୁ ଉଦ୍ୟମ କରାଯାଇଥିବା ମଧ୍ୟ ଅଭିଯୋଗ ରହିଛି। ପିସି-ପିଏନଡିଟି ଆଇନର ଉଦ୍ଦେଶ୍ୟ ହେଉଛି ଅଲଟ୍ରାସାଉଣ୍ଡ ସେବାରେ ସ୍ୱଚ୍ଛତା, ନିୟମିତତା ଓ ଆଇନର ପାଳନ ସୁନିଶ୍ଚିତ କରିବା। ଏପରି ସ୍ଥିତିରେ ସାଧାରଣ ଭାବେ ସ୍କାନ ସମୟ ସମ୍ପର୍କରେ ପଚାରିଲେ ଅଧିକାରୀଙ୍କ ପକ୍ଷରୁ ସ୍ପଷ୍ଟ ଉତ୍ତର ନ ମିଳିବା ଏବଂ ଭିଡିଓ କରୁଥିବା ବେଳେ ମୋବାଇଲ ଛଡ଼ାଇବାକୁ ଉଦ୍ୟମ ହେବା ଘଟଣାକୁ ନେଇ ସାଧାରଣରେ ଚର୍ଚ୍ଚା ଆରମ୍ଭ ହୋଇଛି। ଯଦି ସମସ୍ତ କାର୍ଯ୍ୟ ଆଇନସମ୍ମତ ଭାବେ ଚାଲିଛି, ତେବେ ନିର୍ଦ୍ଧାରିତ ସମୟ ଓ ପ୍ରକ୍ରିୟା ସମ୍ପର୍କରେ ସ୍ପଷ୍ଟତା ଦେବାରେ ଅସୁବିଧା କେଉଁଠି—ଏହି ପ୍ରଶ୍ନ ଏବେ ସାଧାରଣ ମହଳରେ ଉଠୁଛି । ଘଟଣା ସମ୍ପର୍କରେ ସମ୍ପୃକ୍ତ ଅଧିକାରୀ ଓ କ୍ଲିନିକ୍ ପକ୍ଷରୁ ସ୍ପଷ୍ଟୀକରଣ ମିଳିପାରିନାହିଁ। ଏହି ଅଭିଯୋଗର ନିରପେକ୍ଷ ତଦନ୍ତ କରି ସତ୍ୟାସତ୍ୟ ସାମ୍ନାକୁ ଆଣିବାକୁ ଦାବି ହେଉଛି।
ସ୍କାନ କରିବା ସମୟ ପଚାରିବାରୁ ଅଧିକାରୀଙ୍କ ଅସହଯୋଗ ଅଭିଯୋଗ:ଭିଡିଓ କରୁଥିବା ବେଳେ ମୋବାଇଲ ଛଡ଼ାଇବାକୁ ଉଦ୍ୟମ ଅଭିଯୋଗ: ନିରୁପାୟ ଜିଲ୍ଲା ମୁଖ୍ୟ ଚିକିତ୍ସାଧିକାରୀ
