ନାଟୁଗାଁ ମିଶ୍ରଣ ପର୍ବ ଘଟଣା:ସୋଶିଆଲ ମିଡିଆରେ ବିଜେପି ନେତ୍ରୀଙ୍କ ପୋଷ୍ଟକୁ ନେଇ ଧୂଆଁବାଣ ଚର୍ଚ୍ଚା

ନୟାଗଡ଼, (ଓଡ଼ିଶା ଲେଖା): ବିଜେଡ଼ି ଶିବିର ଛାଡ଼ି ବିଜେପି ଦଳରେ ଯୋଗ ଦେଉଛନ୍ତି ନେତା ଓ କର୍ମୀ। କିନ୍ତୁ ଏହାକୁ ନେଇ ବିଜେପି ଦଳର ନେତ୍ରୀ ନିଜ ସୋଶିଆଲ ମିଡିଆ ପେଜ୍ ରେ ଏକ ହଜାର କର୍ମୀ ଯୋଗ ଦେଇଥିଲେ ବୋଲି ନେତ୍ରୀ ୨୦ଟି ଫଟୋ ଅପଲୋଡ଼ କରିଥିଲେ। ମିଶ୍ରଣର ୬/୭ ଦିନ ପରେ ଫଟୋ ଅପଲୋଡ଼ର ୭ନମ୍ୱର ଫଟୋ ଆଜି ପୁନଃ ଅପଲୋଡ଼ କରାଯାଇ ୫୦ଜଣ କର୍ମୀ ବିଜେପି ମିଶିଥିବା ଲେଖିଥିବା ଦେଖିବାକୁ ମିଳିଛି। ତେବେ ସେହି ମିଶ୍ରଣ ଫଟୋ ପୁଣି ଅନ୍ୟ ପଂଚାୟତର ଥିବା ବେଳେ ନାଟୁଗାଁ ପଞ୍ଚାୟତର ୫୦ ବୋଲି କୁହାଯାଉଛି। ଆଉ ଏକ ଦୃଶ୍ୟ ଦେଖିବାକୁ ମିଳିଛି ଯାହାକି ହାସାସ୍ପଦ କଥା। ଯେଉଁ ମାନେ ୨୦୨୪ ସାଧାରଣ ନିର୍ବାଚନ ବିଜେପିକୁ ଭୋଟ ଦେଇଛନ୍ତି, ସେମାନଙ୍କୁ ବିଜେପିରେ ମିଶୁଥିବା କୁହାଯାଉଛି। ତେବେ ଏଠି କାହାକୁ ବୋକା ବାନଯାଉଛି ବୋଲି ବଡ଼ ପ୍ରଶ୍ନବାଚୀ ସୃଷ୍ଟି କରିଥିବା ବେଳେ ନାଟୁଗାଁ ମିଶ୍ରଣ ପର୍ବ ବିଜେପି ନେତାଙ୍କ ମୁଖା ଖୋଲି ଦେଇଛି। ଏଠି ସ୍ଥାନୀୟ ନେତା ମାନେ ନେତ୍ରୀଙ୍କ ମନ ଖୁସ୍ କରିବା ପାଇଁ ଏପରି ମିଶାଉ ଥିବା ଶୁଣିବାକୁ ମିଳୁଛି। ଯାହାକୁ ନେଇ ରାଜନୈତିକ ସମୀକ୍ଷକ ମାନେ ନାପସନ୍ଦ କରିଛନ୍ତି। ସରକାରୀ ଦଳର ନେତ୍ରୀ ହୋଇ ଜନସାଧାରଣଙ୍କୁ ସଠିକ୍ ତଥ୍ୟ ସଦା ସର୍ବଦା ପ୍ରଦାନ କରିବା ହୁଅନ୍ତୁ ବୋଲି ରାଜନୈତିକ ସମୀକ୍ଷକ ମତ ବ୍ୟକ୍ତ କରିଛନ୍ତି।