ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲା ନାଟୁଗାଁ ପଞ୍ଚାୟତସାଲୁଣି ଗ୍ରାମର ଫକୀର ମୋହନ ସାହୁ ଓ ନିଶାମଣି ସାହୁଙ୍କ ସୁପୁତ୍ର ଡକ୍ଟର ସୂର୍ଯ୍ୟକାନ୍ତ ସାହୁ ଆଇଟି ମ୍ୟାନେଜମେଣ୍ଟରେ ପିଏଚ୍ଡି ଡିଗ୍ରୀ ହାସଲ କରି ସାଲୁଣି ଗ୍ରାମ ଓ ନୟାଗଡ଼ ଜିଲ୍ଲା ପାଇଁ ଗୌରବ ଆଣିଛନ୍ତି। କଟକ ଶ୍ରୀଶ୍ରୀ ୟୁନିଭର୍ସିଟି ଅଧୀନରେ ସେ ଏହି ଗବେଷଣା କାର୍ଯ୍ୟ ସମ୍ପନ୍ନ କରିଛନ୍ତି। ତାଙ୍କ ଗବେଷଣାର ଶୀର୍ଷକ ଥିଲା “Enhancing Stock Market Volatility Prediction With Feature Engineering and Machine Learning”। ଏହି ଗବେଷଣା କାର୍ଯ୍ୟରେ ଷ୍ଟକ୍ ମାର୍କେଟ୍ର ଅସ୍ଥିରତା ପୂର୍ବାନୁମାନ କ୍ଷେତ୍ରରେ Feature Engineering ଓ Machine Learning ଭଳି ଆଧୁନିକ ପ୍ରଯୁକ୍ତିର ପ୍ରୟୋଗ ଉପରେ ଅଧ୍ୟୟନ କରାଯାଇଛି। ଗବେଷଣା କାର୍ଯ୍ୟରେ ଶ୍ରୀଶ୍ରୀ ୟୁନିଭର୍ସିଟିର ଡକ୍ଟର ଗିରିଧାରୀ ମହନ୍ତ ଓ ପ୍ରଫେସର ଡକ୍ଟର ଭାଗିରଥୀ ନାୟକ ମାର୍ଗଦର୍ଶକ ଭାବେ ଦାୟିତ୍ୱ ତୁଲାଇଥିଲେ। ତାଙ୍କ ଗବେଷଣା ଫଳାଫଳ ଆନ୍ତର୍ଜାତିକ ଜର୍ଣ୍ଣାଲରେ ମଧ୍ୟ ପ୍ରକାଶିତ ହୋଇଛି। ଏହି ଗବେଷଣା କାର୍ଯ୍ୟକୁ Indira Gandhi Delhi Technical University for Women (IGDTUW), ଦିଲ୍ଲୀର ପ୍ରଫେସର ଡକ୍ଟର ନୋନିତା ଶର୍ମାଙ୍କ ପକ୍ଷରୁ ଉଚ୍ଚ ପ୍ରଶଂସା ମିଳିଥିବା ଜଣାପଡ଼ିଛି।୨୦୨୬ ଅଗଷ୍ଟ ୨୪ ତାରିଖରେ କଟକସ୍ଥିତ ଶ୍ରୀଶ୍ରୀ ୟୁନିଭର୍ସିଟି ପରିସରରେ ଅନୁଷ୍ଠିତ ଓପନ୍ ଡିଫେନ୍ସ ଭାଇଭା-ଭୋଶରେ ସଫଳତାର ସହ ଅଂଶଗ୍ରହଣ କରିବା ପରେ ସେ ଡକ୍ଟରେଟ୍ ଡିଗ୍ରୀ ପାଇବାର ଯୋଗ୍ୟତା ହାସଲ କରିଛନ୍ତି। ଏହି ସଫଳତା ପାଇଁ ଡକ୍ଟର ସୂର୍ଯ୍ୟକାନ୍ତ ସାହୁ ନିଜର ବାପା ଅବସର ପ୍ରାପ୍ତ ପ୍ରଧାନ ଶିକ୍ଷକ ଫକୀର ଚରଣ ସାହୁ, ମାତା ନିଶାମଣୀ ସାହୁ, ଭାଇ ଚନ୍ଦ୍ରକାନ୍ତ ସାହୁ, ସହଧର୍ମିଣୀ, ପରିବାରବର୍ଗ, ଶୁଭେଚ୍ଛୁ ଓ ସମସ୍ତ ସହଯୋଗୀଙ୍କ ପ୍ରତି କୃତଜ୍ଞତା ଜଣାଇଛନ୍ତି। ସର୍ବୋପରି ନିଜର ଏହି ସଫଳତାକୁ ସେ ମହାପ୍ରଭୁ ଶ୍ରୀଜଗନ୍ନାଥଙ୍କ ଚରଣରେ ସମର୍ପଣ କରିଛନ୍ତି। ତାଙ୍କର ଏହି ସଫଳତା ପାଇଁ ସାଲୁଣି ଗ୍ରାମ ସମେତ ନୟାଗଡ଼ ଜିଲ୍ଲାର ବିଭିନ୍ନ ମହଲରୁ ଶୁଭେଚ୍ଛା ଜ୍ଞାପନ କରାଯାଇଛି। ଏହି ସଫଳତା ପାଇଁ “ଓଡ଼ିଶା ଲେଖା” ପରିବାର ତରଫରୁ ମଧ୍ୟ ଶୁଭେଚ୍ଛା ଓ ଅଭିନନ୍ଦନ ଜଣାଇବା ସହ ଡ଼ ସାହୁଙ୍କର ଉତ୍ତୋରତର କାମନା କରାଯାଇଛି ।
ସାଲୁଣି ଗାଁର ଗର୍ବ ଓ ଗୌରବ : ଆଇଟି ମ୍ୟାନେଜମେଣ୍ଟରେ ପିଏଚ୍ଡି ହାସଲ କଲେ ଡକ୍ଟର ସୂର୍ଯ୍ୟକାନ୍ତ
