ଦଶପଲ୍ଲା ପୋଲିସ ଠାରୁ ଆସ୍ଥା ହରାଇଲେ ଦୁଷ୍କର୍ମ ପୀଡ଼ିତା

ନୟାଗଡ଼,(ଓଡ଼ିଶା ଲେଖା): ନୟାଗଡ଼ ଜିଲ୍ଲା ଦଶପଲ୍ଲା ଥାନା ଠାରୁ ଆସ୍ଥା ହରାଇଲେଣି ସ୍ଥାନୀୟ ଜନସାଧାରଣ । ପୋଲିସ ଠାରୁ ଆଇନ ସୁରକ୍ଷା ପାଇବା କଥା ତାହା ନପାଇ ସ୍ଥାନୀୟ ଜନସାଧାରଣ ନିରାଶ ହେଉଛନ୍ତି । ଯାହାଫଳରେ ଗଣ୍ଡା ଗଣ୍ଡା ଅଭିଯୋଗ ବରିଷ୍ଠ ପୋଲିସ ଅଧିକାରୀଙ୍କ ପାଖକୁ ଆସୁଥିବା ବିଶେଷ ସୂତ୍ରରୁ ଜଣାପଡିଛି । କିନ୍ତୁ ଦଶପଲ୍ଲା ଉପରେ କାର୍ଯ୍ୟାନୁଷ୍ଠାନ ନେବାକୁ ସାହସ ଜୁଟାଇପାରୁ ନାହାନ୍ତି ଜିଲ୍ଲାର ବରିଷ୍ଠ ପୋଲିସ ଅଧିକାରୀ । ବୁଧବାର ଦିନ ଦଶପଲ୍ଲା ପୋଲିସର ଅସଲ ଚିତ୍ର ପଦାକୁ ଆଣିଛନ୍ତି ଜଣେ 75 ବର୍ଷୀୟା ଦୁଷ୍କର୍ମ ପୀଡ଼ିତା। ଯାହାର ଅଭିଯୋଗ ବିଚାରପତିଙ୍କ ପାଖରେ ପହଞ୍ଚିଥିଲା ଏବଂ ବିଚାରପତିଙ୍କ ନର୍ଦ୍ଦେଶ ପରେ ଜଣେ ବରିଷ୍ଠ ପୋଲିସ ଅଧିକାରୀ ଦୁଷ୍କର୍ମ ପୀଡ଼ିତାଙ୍କ ତଦନ୍ତ କରୁଥିବା ଜଣାପଡିଛି। ସୂଚନାନୁସାରେ, ଦଶପଲ୍ଲା ଅଞ୍ଚଳର ଜଣେ 75ବର୍ଷ ବୟସ୍କା ମହିଳା 14ତାରିଖ ଦିନ ଘରେ ଥିବା ବେଳେ, ସେହି ଅଞ୍ଚଳ ଅଲେଖ ନାମକ ଜଣେ ବ୍ୟକ୍ତି ମହିଳାଙ୍କ ଘରେ ପସି ବୟସ୍କା ମହିଳାଙ୍କୁ ଦୁଷ୍କର୍ମ କରି ଫେରାର ହୋଇଯାଇଥିଲେ। ଏନେଇ ବୟସ୍କା ମହିଳା ଜଣଙ୍କ ଦଶପଲ୍ଲା ପୋଲିସ ପାଖରେ ଅଭିଯୋଗ କରିଥିଲେ। କିନ୍ତୁ ଦଶପଲ୍ଲା ପୋଲିସ ବୟସ୍କା ଦୁଷ୍କର୍ମ ପୀଡ଼ିତାଙ୍କ ଅଭିଯୋଗ ଫେରାଇ ଦେଇଥିଲା, ଘଟଣା କୁ ମଧ୍ୟ ଗୁରୁତ୍ୱ ଦେଇନଥିଲା। ପୋଲିସ ଠାରୁ ନିରାଶ ହୋଇ ବୟସ୍କା ଦୁଷ୍କର୍ମ ପୀଡ଼ିତା ଜଣଙ୍କ ବିଚାରପତି ଙ୍କ ପାଖରେ ଯାଇ ଅଭିଯୋଗ ନେଇ ପହଞ୍ଚିଥିଲେ । ବିଚାରପତି ଘଟଣା ସଂପର୍କରେ ଜାଣିବା ପରେ, ଜିଲ୍ଲାର ବରିଷ୍ଠ ପୋଲିସ ଅଧିକାରୀଙ୍କୁ ନିର୍ଦେଶ ଦେଇଥିଲେ। ଜିଲ୍ଲା ଆରକ୍ଷୀ ଅଧିକ୍ଷକଙ୍କ ନିର୍ଦ୍ଦେଶ ପରେ ଅତିରିକ୍ତ ଆରକ୍ଷୀ ଅଧିକ୍ଷକ ନୟାଗଡ଼ ଏସଡ଼ିପିଓ ଘଟଣା ସ୍ଥଳରେ ପହଞ୍ଚି ଛାନଭିନ କରିଛନ୍ତି । ଘଟଣା ସ୍ଥଳକୁ ଦଶପଲ୍ଲା ଥାନା ଅଧିକାରୀ ଯାଇଥିଲେ, କିନ୍ତୁ କଣ ହେଲା କେଜାଣି ଦଶପଲ୍ଲା ଥାନା ଅଧିକାରୀ ସେଠାରୁ ଫେରିଯାଇଥିଲେ, ଯାହାକୁ ନେଇ ପୋଲିସ ବିଭାଗରେ ବରିଷ୍ଠ ଅଧିକାରୀ ଙ୍କ ମୁଣ୍ଡ ବିନ୍ଧା ର କାରଣ ପାଲଟିଛି। ତେଣୁ ଦଶପଲ୍ଲାର ମାମଲାକୁ ଵାଣିଗୋଚ୍ଛା ଓ ନୂଆଗାଁ ଥାନା ଅଧିକାରୀଙ୍କୁ ତଦନ୍ତ ଦାୟୀତ୍ୱ ଦିଆଯାଇଥିବା ଜଣାପଡିଛି।