ନୟାଗଡ଼, (ଓଡ଼ିଶା ଲେଖା): ନୟାଗଡ଼ ବିଜେପି ଶିବିରରେ ଏବେ ଯେଉଁଭଳି ନେତୃତ୍ୱ ସଙ୍କଟ ଦେଖାଦେଇଛି, ତାହା ଦଳ ପାଇଁ ଏକ ବଡ଼ ଧକ୍କା ସଦୃଶ ହୋଇଛି। ନିଜର ଦୃଢ଼ ସଂଗଠନ ଥିବା ଦାବି କରୁଥିବା ଏହି ଦଳ ପାଖରେ ଆଜି ସ୍ଥାନୀୟ ସ୍ତରରେ ଲଢ଼ିବା ପାଇଁ ଯୋଗ୍ୟ ନେତାଙ୍କର ଘୋର ଅଭାବ ପରିଲକ୍ଷିତ ହେଉଛି। ଏହି ଦୁର୍ବଳତାକୁ ଲୁଚାଇବା ପାଇଁ ବିଜେପି ଏବେ ବିଜେଡିର ସରପଞ୍ଚ ଓ ସମିତି ସଭ୍ୟମାନଙ୍କୁ ବିଭିନ୍ନ ପ୍ରଲୋଭନ ଦେଖାଇ ନିଜ ଆଡ଼କୁ ଟାଣିବାକୁ ପ୍ରଚେଷ୍ଟା କରୁଛନ୍ତି। ନିଜ କର୍ମୀଙ୍କ ଉପରେ ଭରସା ନକରି ଅନ୍ୟ ଦଳର ପ୍ରତିନିଧିଙ୍କୁ ‘ତେଲ ମାଲିସ’ କରିବା ହିଁ ପ୍ରମାଣିତ କରୁଛି ଯେ ବିଜେପିର ମୂଳଦୁଆ ଏବେ ନୟାଗଡ଼ରେ ଦୋହଲିବାକୁ ଲାଗିଲାଣି। ନିଜର ମୂଳଦୁଆ ଅଲୋଡ଼ା ହେଉଥିବା ବେଳେ ଅନ୍ୟ ଦରର ସାହାରା ବିଜେପିକୁ ଦରକାର ବୋଲି ଆଲୋଚନା ହେଉଛି। ସାଧାରଣ ଲୋକଙ୍କୁ ମିଥ୍ୟା ଆଶ୍ୱାସନା ଦେଇ ଠକିବା ଏବଂ ରାଜନୈତିକ ଫାଇଦା ପାଇଁ ଅନ୍ୟ ଦଳର ନେତାଙ୍କୁ ଆପଣେଇବା, ବିଜେପିର ଆଦର୍ଶହୀନ ରାଜନୀତିର ଅସଲ ମୁଖା ଖୋଲି ଦେଇଛି। ନୟାଗଡ଼ ବିଜେପିର ପୁରୁଖା ନେତା ତଥା ପୁରାତନ ନେତାଙ୍କୁ ପ୍ରାଧାନ୍ୟ ନଦେଇ, ଯେଉଁ ନେତା ମାନେ ପୂର୍ବରୁ ବିଜେପି ନେତାଙ୍କୁ ବିଭିନ୍ନ ଭାଷା ଗାଳି ଗୁଲଜ କରୁଥିଲେ, ସେମାନଙ୍କ ଉପରେ ଭରଷା ରଖି ପଞ୍ଚାୟତ ନିର୍ବାଚନ ବୈତରଣୀ ପାର ହେବାକୁ ଆଶା ବାନ୍ଧି ବସିଥିବା ଚର୍ଚ୍ଚା ହେଉଛି। ପୂର୍ବରୁ ଅଶ୍ଳୀଳ ଭାଷା ଓ ଏବେର ତେଲ ମାଲିସ୍ ନେତାଙ୍କୁ ନୟାଗଡ଼ ବିଜେପି ବ୍ଲକ୍ ଓ ପୌରାଞ୍ଚଳର ମୁଖିଆ ନେତା ହେବାର ସୁଯୋଗ ମିଳିବ ? ଯଦି ମିଳିବ ତେଲ ମାଲିସ୍ ନେତା ନେତ୍ରୀଙ୍କୁ କେବେ ମିଳିବ ସୁଯୋଗ ବୋଲି ପ୍ରଶ୍ନ ବାଚୀ ସୃଷ୍ଟି କରିଛି। ଯଦି ଦଳ ଡିଆଁ ନେତା ମୁଖିଆ ହେବେ, ତେବେ ପୁରୁଖା ବା ପୁରାତନ ନେତାଙ୍କ ଭାଗ୍ୟ ଏହି ସରକାରରେ ବନ୍ଧା ପଡ଼ିଯିବ ବୋଲି ଦଳୀୟ କର୍ମୀଙ୍କ ମନରେ ଆଶଙ୍କା ଦେଖାଦେଇଛି। ତେବେ ଆଗାମୀ ଦିନରେ କଣ ହେଉଛି ତାହା ଦେଖିବାକୁ ବାକି ରହିଲା।
