କାହା ମୁଣ୍ଡରେ ଲାଗିବ ଉପ ରାଷ୍ଟ୍ରପତି ମୁକୁଟ:ଚିନ୍ତାରେ ନେତା

ଓଡ଼ିଶା ଲେଖା ଅଫିସ: ନେତାଙ୍କ ଚିନ୍ତା ବଢ଼ିବାରେ ଲାଗିଛି l କାହା ମୁଣ୍ଡରେ ଲାଗିବ ଉପ ରାଷ୍ଟ୍ରପତି ମୁକୁଟ l ଉପ ରାଷ୍ଟ୍ରପତି ନିର୍ବାଚନ ଯେତିକି ପାଖେଇ ଆସୁଛି ସେତିକି କିଏ ହେବ ଉପ ରାଷ୍ଟ୍ରପତି ପ୍ରାର୍ଥୀ ତାକୁ ନେଇ ନେତାଙ୍କ ଭିତରେ ଚାଲିଛି କଳ୍ପନା ଜଳ୍ପନା l ବସୁଛି ଘନଘନ ବୈଠକ l ବାହାରୁନି ନିର୍ଯାସ l ଉପ ରାଷ୍ଟ୍ରପତି ନିର୍ବାଚନକୁ ବାରମ୍ବାର ଆଲୋଚନା ପର୍ଯ୍ୟାୟଲୋଚନା ଚାଲିଥିବା ବେଳେ, ଉପ ରାଷ୍ଟ୍ରପତି ହେବାକୁ ଦୌଡ଼ରେ ଅଛନ୍ତି ଅନେକ ନେତା l ସୂଚାନୁସାରେ, ଜୁଲାଇ 21 ତାରିଖ ରାତିରେ ଭାରତର ଉପ ରାଷ୍ଟ୍ରପତି ପଦରୁ ଜଗଦ୍ଦିପ ଧନଖଡ଼ ଇସ୍ତଫା ଦେଇଥିଲେ l ସେହି ଦିନଠାରୁ ଉପ ରାଷ୍ଟ୍ରପତି ପଦ ଖାଲି ପଡିଛି l ତେଣୁ ଭାରତୀୟ ନିର୍ବାଚନ କମିଶନ ଖାଲି ପଡ଼ିଥିବା ଉପ ରାଷ୍ଟ୍ରପତି ପଦ ପାଇଁ ସେପ୍ଟେମ୍ବର 9 ତାରିଖରେ ଭୋଟିଂ ହେବ ବୋଲି ବିଜ୍ଞପ୍ତି ପ୍ରକାଶ କରିଛନ୍ତି l ଚଳିତ ବର୍ଷ ସେପ୍ଟେମ୍ବର 9 ତାରିଖରେ ଉପ ରାଷ୍ଟ୍ରପତି ନିର୍ବାଚନ ହେବାକୁ ନେଇ ଅଗଷ୍ଟ 7ରେ ବିଜ୍ଞପ୍ତି ପ୍ରକାଶ ପାଇଛି l ଅଗଷ୍ଟ 21 ନାମାଙ୍କନ ଦାଖଲ କରିବାର ଶେଷ ତାରିଖ ଥିବା ବେଳେ ଅଗଷ୍ଟ 22ରେ ପ୍ରାର୍ଥୀପତ୍ର ଯାଞ୍ଚ ହେବ ଏବଂ ଅଗଷ୍ଟ 25ରେ ପ୍ରତ୍ୟାହାର କରିବାର ଶେଷ ତାରିଖ ରହିଛି l ଶେଷରେ ସେପ୍ଟେମ୍ବର 9ତାରିଖରେ ଉପ ରାଷ୍ଟ୍ରପତି ମୁକୁଟ ପାଇଁ ଭୋଟିଂ ହେବ ବୋଲି ବିଜ୍ଞପ୍ତିରୁ ଜଣାପଡିଛି l