ନୟାଗଡ଼, (ଓଡ଼ିଶା ଲେଖା): ମା ଝିଅ ମଧ୍ୟରେ ମରଣାନ୍ତକ ଆକ୍ରମଣ। ମା ଝିଅ ଗୁରୁତର ଥିବା ଜଣାପଡିଛି। ଉଭୟ ମା ଝିଅଙ୍କୁ ପ୍ରଥମେ ନୟାଗଡ଼ ଓ ପରେ ଭୁବନେଶ୍ବର ସ୍ଥାନାନ୍ତରିତ କରାଯାଇଛି। ଏଭଳି ଅଭାବନୀୟ ଘଟଣା ଘଟିଛି ଶରଣକୂଳ ଥାନା ଅଞ୍ଚଳରେ। ସୂଚନାନୁସାରେ, ନୟାଗଡ଼ ଜିଲ୍ଲା ଶରଣକୂଳ ଥାନା ଅନ୍ତର୍ଗତ କଲ୍ୟାଣପୁର ଗାଁର ସ୍ୱର୍ଗତ ବିନୋଦ ସାହୁଙ୍କ ସ୍ତ୍ରୀ ପୁନୀ ସାହୁ (୪୫) ଓ ତାଙ୍କ ଝିଅ ପଦ୍ମାବତୀ ସାହୁଙ୍କ ମଧ୍ୟରେ କୌଣସି କାରଣରୁ ନେଇ ହାତାହାତି ହୋଇଥିଲେ। ଉଭୟ ମା ଝିଅଙ୍କ ହାତାହାତି ଘଟଣା ଉଗ୍ରରୂପ ନେଇଥିଲା। ଯାହାଫଳରେ କଟାରୀ ଧରି ଉଭୟଙ୍କ ମଧ୍ୟରେ ମରଣାନ୍ତକ ଆକ୍ରମଣ ହୋଇଥିଲେ। ମା ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ଝିଅର ହାତ ଏବଂ ମୁଣ୍ଡରେ ଆଘାତ ଲାଗିଛି। ତେବେ ଉଭୟଙ୍କ ଚିକିତ୍ସା ପାଇଁ ପ୍ରଥମେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଥିଲା। ସେଠାରେ ପ୍ରାଥମିକ ଚିକିତ୍ସା କରି ଉଭୟଙ୍କ ଅବସ୍ଥା ଗୁରୁତର ଥିବାରୁ ଭୁବନେଶ୍ୱର ରେଫର୍ କରିଦେଇଥିବା ବେଳେ ଶରଣକୂଳ ପୋଲିସ୍ ଏହାର ତଦନ୍ତ କରୁଥିବା ଜଣାପଡିଛି।
