ଓଡ଼ିଶା ଲେଖା ଅଫିସ୍: ଟି-୨୦ ବିଶ୍ଵକପ ର ଆଜି ରୋମାଞ୍ଚକ ଖେଳ ଉପଭୋଗ କରିଛନ୍ତି କ୍ରିକେଟ୍ ପ୍ରେମୀ। କୋଲକାତା ଇଡେନ୍ ଗାର୍ଡେନ ଷ୍ଟାଡିୟମରେ ଭାରତ-ୱେଷ୍ଟଇଣ୍ଡିଜ୍ ମଧ୍ୟରେ ମହାଲଢେଇ ଦେଖିବାକୁ ମିଳିଛି। ଭାରତ ଆଜିର ମ୍ୟାଚ୍ ଜିତି ସେମିଫାଇନାଲ ରେ ପହଞ୍ଚିଛି। ଆଜିର ମ୍ୟାଚ୍ ରେ ଭାରତ ଟସ୍ ଜିତି ଫିଲ୍ଡିଂ କରିବାକୁ ନିଷ୍ପତ୍ତି ନେଇ ୱେଷ୍ଟଇଣ୍ଡିଜ୍ କୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା। ତେବେ ୱେଷ୍ଟଇଣ୍ଡିଜ୍ ନିର୍ଦ୍ଧାରିତ ଓଭରରେ ୪ଟି ୱିକେଟ୍ ହରାଇ ୧୯୫ ରନର ବିଶାଳ ସ୍କୋର କରିଥିଲା। ତେବେ ଭାରତ ତରଫରୁ ବୁମରାହା ୨ଟି ୱିକେଟ୍ ନେଇଥିବା ବେଳେ ହାର୍ଦ୍ଦିକ ପାଣ୍ଡିଆ ଓ ବରୁନ ଚକ୍ରବର୍ତ୍ତୀ ଗୋଟିଏ ଲେଖାଏଁ ୱିକେଟ୍ ନେଇଥିଲେ।
ୱେଷ୍ଟଇଣ୍ଡିଜ୍ ଦଳ ପକ୍ଷରୁ ରୋଷ୍ଟନ୍ ଚେସ ୪୦, ଜସୋନ୍ ହୋଲଡ଼ର୍ ୩୭, ରୋଭମ୍ୟାନ୍ ପାୱେଲ ୩୪ ଓ ହୋପ୍ ୩୨ ରନ କରିଥିଲେ। ଭାରତ ୧୯୬ରନର ବିଜୟ ଲକ୍ଷ ନେଇ ପଡ଼ିଆକୁ ଓହ୍ଲାଇ ଥିଲା। ଭାରତ ଆରମ୍ଭ ବିପର୍ଯ୍ୟୟ ଘଟିଥିଲା। ତେବେ ସଞ୍ଜୁ ସମାସନ୍ ଧୂଆଁ ଧାର ବ୍ୟାଟିଂ କରି ଦଳକୁ ବିଜୟୀ କରାଇଥିଲେ। ଭାରତ ତରଫରୁ ତିଲକ ବର୍ମା ୨୭, ସୂର୍ଯ୍ୟକୁମାର ଯାଦବ ୧୮ ରନ୍ କରିଥିବା ବେଳେ ସଞ୍ଜୁ ସମାସନ୍ ୫୦ ବଲରେ ୧୨ଟି ଚୌକା ଓ ୪ଟି ଛକା ସହାୟତା ଅପରାଜିତ ରହି ୯୭ରନ କରି ଦଳକୁ ସେମି ଫାଇନାଲରେ ପହଞ୍ଚାଇଛନ୍ତି। ସଞ୍ଜୁ ସାମସନଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ବିବେଚିତ କରାଯାଇ ପୁରସ୍କୁର କରାଯାଇଛି।
