ନୟାଗଡ଼, (ଓଡ଼ିଶା ଲେଖା): ସରସ୍ବତୀ ଶିଶୁବିଦ୍ୟା ମନ୍ଦିର ପରିସରରେ “ଘର ହିଁ ବିଦ୍ୟାଳୟ ପ୍ରକଳ୍ପ” ର ପ୍ରଥମ ପର୍ଯ୍ୟାୟ ଅନୁଷ୍ଠିତ ହୋଇଅଛି । ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ପ୍ରଶାସନିକ ସଦସ୍ୟ, ନୟାଗଡ ମହିଳା ମହାବିଦ୍ୟାଳୟର ଶିକ୍ଷା ବିଭାଗର ଅଧ୍ୟାପକ ଡ଼ କୃପାସିନ୍ଧୁ କରଣ ମୁଖ୍ୟ ଅତିଥି ଭାବେ ଯୋଗଦେଇ ଦୀପ ପ୍ରଜ୍ଜ୍ଵଳନ କରିଥିଲେ ।
ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଅମ୍ବିକା ପ୍ରସାଦ ପଟ୍ଟନାୟକ ଅତିଥ୍ଙ୍କ ପରିଚୟ ପ୍ରଦାନ କରି କାର୍ଯ୍ୟକ୍ରମକୁ ଆଗେଇ ନେଇଥିଲେ। ଘର କିପରି ବିଦ୍ୟାଳୟରେ ପରିଣତ ହୋଇପାରିବ ସେ ବିଷୟରେ ସଂସ୍କାର ମୂଳକ କଥା ସ୍ବାଗତ ଅଭିଭାଷଣରେ ପ୍ରଦାନ କରିଥିଲେ । ମୁଖ୍ୟ ଅତିଥି “ଶିଶୁ ଶିକ୍ଷାର ଭାରତୀୟ ଓ ପାଶ୍ଚାତ୍ୟ ସଙ୍କଳ୍ପନା ଓ ଶିଶୁ ଶିକ୍ଷାରେ ବର୍ତ୍ତମାନ ସ୍ଥିତି” ଉପରେ ମାର୍ଗ ଦର୍ଶନ ଦେଇଥିଲେ ।
ଶିଶୁ ଶିକ୍ଷାରେ ମାଆ ମାନଙ୍କର ଭୂମିକା କ’ଣ ରହିଛି ? ମାଆ ମାନେ କିପରି ମୋବାଇଲ ଠାରୁ ଦୂରେଇ ରହିବେ, ସେ ବିଷୟ ବକ୍ତବ୍ୟରେ ରଖିଥିଲେ। ଚର୍ଚ୍ଚା କଲାଂସ ମୁଖ୍ୟ ପ୍ରଶାସକ ହରେକୃଷ୍ଣ ମୁଦୁଲି “ବର୍ତ୍ତମାନ ସ୍ଥିତିରେ ମାତାପିତା କ’ଣ କରିବା ଦରକାର” ବିଷୟ ଉପରେ ଆଲୋଚନା କରିଥିଲେ। ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ପରିଚାଳନା ସମିତିର ସଦସ୍ୟ ଭଗବାନ ସାହୁ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ପ୍ରାୟ ୫୦ ଜଣ ଅଭିଭାବକ ଅଭିଭାବିକାଉପସ୍ଥିତ ଥିଲେ । ବିଦ୍ୟାଳୟର ଶିଶୁବାଟିକା ପ୍ରମୁଖା ଭାଗ୍ୟଲତା ସାହୁ ସମେତ ସମସ୍ତ ଗୁରୁଜୀ ଗୁରୁମା ଓ ସେବକ ସେବିକାଙ୍କ ସହଯୋଗରେ କାର୍ଯ୍ୟକ୍ରମଟି ସଫଳ ହୋଇଥିଲା ।
