ନୟାଗଡ଼, (ଓଡ଼ିଶା ଲେଖା): ନୟାଗଡ଼ରେ ବିପର୍ଯ୍ୟସ୍ତ ହୋଇ ପଡ଼ିଛି ସ୍ୱାସ୍ଥ୍ୟସେବା। ଜିଲ୍ଲା ମୁଖ୍ୟ ଚିକିତ୍ସାଳୟକୁ ଖେଳଣା ପରି ଖେଳୁଛନ୍ତି ଜିଲ୍ଲା ମୁଖ୍ୟ ଚିକିତ୍ସାଧିକାରୀ। କଥାରେ ଅଛି, ଖଜୁରୀ ଗଛର କି ଗୁଣ ଗାଇବି ମୂଳରୁ ପାହାଚ ପାହାଚ, ସେହି ପରି ନ୍ୟାୟରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖା ଦେଇଛି ବିପର୍ଯ୍ୟସ୍ତ ସ୍ୱାସ୍ଥ୍ୟ ବ୍ୟବସ୍ଥା । ସତେ ଯେପରି ନୟାଗଡ଼ ଜିଲ୍ଲାକୁ ବଦନାମ୍ କରିବାକୁ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଶପଥ ନେଇଥିବା ଭଳି ମନେ ହେଉଛି। ସୂଚନାନୁସାରେ, ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପ୍ରତ୍ୟେକ ଦିନ ହଜାର ହଜାର ରୋଗୀ ଆସୁଛନ୍ତି। ରୋଗୀ ମାନଙ୍କ ରୋଗକୁ ଦେଖି ଡାକ୍ତର ବିଭିନ୍ନ ପ୍ରକାରର ଟେଷ୍ଟ ଲେଖିଥାନ୍ତି ଏବଂ ସେହି ଟେଷ୍ଟ ରିପୋର୍ଟ ଆସିଲା ପରେ ଡାକ୍ତର ମେଡ଼ିସିନ୍ ଲେଖିଥାନ୍ତି। ଡାକ୍ତର ଲେଖୁଥିବା ଟେଷ୍ଟ ରୋଗୀ ପାଇଁ ଗୁରୁତ୍ବ ବହନ କରିଥାଏ। ସେହି ଟେଷ୍ଟ କରିବା ପାଇଁ ବିଭିନ୍ନ ପ୍ରକାରର ବ୍ୟବସ୍ଥା ମଧ୍ୟ ସରକାରଙ୍କ ତତଫରୁ ନିଶୁଳ୍କ ବ୍ୟବସ୍ଥା କରାଯାଇଛି, ଏବଂ ଟେଷ୍ଟକୁ ନେଇ ମଧ୍ୟ ବିଭିନ୍ନ ବିଭାଗରେ ଟେକ୍ନିସିଆନ୍ ଙ୍କୁ ମଧ୍ୟ ନିଯୁକ୍ତ କରାଯାଇଛି। କିନ୍ତୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟ ଏତେ ତଳକୁ ଖସିଗଲାଣୀ ତାହା ନକହିବା ଭଲ।
ଜିଲ୍ଲା ମୁଖ୍ୟ ଚିକିତ୍ସାଳୟରେ ମାଗଣା ଭାବେ ଇସିଜି ଟେଷ୍ଟ କରାଯାଉଥିବା ବେଳେ ଇସିଜି ମେସିନ ଚଳାଇବା ପାଇଁ ଟେକ୍ନିସିଆନ୍ ନାହାନ୍ତି ତାଙ୍କ ବଦଳରେ ଜଣେ ଆଟେଣ୍ଟାଣ୍ଡଙ୍କୁ ନିଯୁକ୍ତ କରାଯାଇଛି। ଆଟେଣ୍ଟାଣ୍ଡ ନା ଶିକ୍ଷାଗତ ଯୋଗ୍ୟତା ନା ଅଛି ଇସିଜି ଟେଷ୍ଟ ଉପରେ ଜ୍ଞାନ। ଯେତିକି ଦେଖା ଦେଖିରେ ଶିଖିଛି ସେତିକି କାମ ଚଳାଉଥିବା ଦେଖିବାକୁ ମିଳିଛି। ତେଣୁ ସେହି ଟେଷ୍ଟ ଗୁଡ଼ିକୁ ଡାକ୍ତର ନାକଜ୍ କରିଦେଇଥିବା ଦେଖିବାକୁ ମିଳିଛି। ଏହି ଅନାମ ଧେୟ ଆଟେଣ୍ଟାଣ୍ଡ ଜଣଙ୍କ ପ୍ରଭାତ କୁମାର ପଣ୍ଡା। ଜିଲ୍ଲା ମୁଖ୍ୟ ଚିକିତ୍ସାଳୟରେ ଦୀର୍ଘଦିନ ହେଲା ବିଏମଡ଼ବ୍ଲ୍ୟୁ ସୁପର ଭାଇଜର ଭାବେ କାମ କରିଆସୁଥିବା ବେଳେ ଗତ ବର୍ଷ ଡିସେମ୍ବର ମାସରେ ଆଟେଣ୍ଟାଣ୍ଡ ଭାବେ ଜିଲ୍ଲା ମୁଖ୍ୟ ଚିକିତ୍ସାଳୟରେ ନିଯୁକ୍ତ ହୋଇଛନ୍ତି। କିନ୍ତୁ ଏବେ କିଛି ଦିନ ହେଲା ଜିଲ୍ଲା ମୁଖ୍ୟ ଚିକିତ୍ସାଳୟର ଅପାରଗତା ପାଇଁ ଇସିଜି ଭଳି ଗୁରୁତ୍ବପୁର୍ଣ ଟେଷ୍ଟକୁ ଆଟେଣ୍ଟାଣ୍ଡ ପ୍ରଭାତ କୁମାର ପଣ୍ଡାଙ୍କ ହାତକୁ ଟେକି ଦେଇଥିବା ଦେଖିବାକୁ ମିଳିଛି। ପୁର୍ବରୁ ଇସିଜି କରିବା ପାଇଁ ଟେକ୍ନିସିଆନ୍ କିମ୍ବା ଫାର୍ମାସିଷ୍ଟ ମାନଙ୍କୁ ନିଯୁକ୍ତ କରାଯାଇଥିବା ବେଳେ କାହିଁକି ଜଣେ ଆଟେଣ୍ଟାଣ୍ଡ ହାତକୁ ଇସିଜି ଟେଷ୍ଟକୁ ଟେକି ଦେଇଛନ୍ତି ତାହା ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ଜଣେ ଆଟେଣ୍ଟାଣ୍ଡ ତଳତଳିଆ କର୍ମଚାରୀ ହୋଇଥିବା ବେଳେ ତାଙ୍କୁ କେମିତି ଇସିଜି ଭଳି ଗୁରୁତ୍ବପୂର୍ଣ୍ଣ ଟେଷ୍ଟକୁ ଟେକି ଦେଇ ଜନକଲ୍ୟାଣ ଅଧିକାରୀ। ଆଟେଣ୍ଟାଣ୍ଡଙ୍କ ରିପୋର୍ଟକୁ ନେଇ ଡ଼ାକ୍ତର ଅସନ୍ତୁଷ୍ଟ ଥିବା ଜଣାପଡିଛି। ତେବେ ଏହି ଆଟେଣ୍ଟାଣ୍ଡ ନିଯୁକ୍ତି ବଡ଼ ଘୋଟାଲା କରାଯାଇଥିବା ନେଇ ମଧ୍ୟ ଆଲୋଚନା କରାଯାଉଛି। ତେବେ ଯିଏ ସୁଧାର ଆଣିବା କଥା ସିଏ ଜାଣି ଅଜଣା ହେଉଥିବା ଦେଖିବାକୁ ମିଳିଛି। ତେଣୁ ନୟାଗଡ଼ ଜିଲ୍ଲାପାଳ ଏଥି ପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।
