ବର୍ତ୍ତମାନର ବଡ଼ ଖବର:ଅସହ୍ୟ ଚାପରେ କନେଷ୍ଟବଳଙ୍କ ଆତ୍ମହତ୍ୟା:କାହା ଚାପ ?

ନୟାଗଡ଼, (ଓଡ଼ିଶା ଲେଖା): ବର୍ତ୍ତମାନର ବଡ଼ ଖବର। ନିଜ ରିଭଲ ବଲରୁ ଗୁଳି ଚଳାଇ ଜଣେ କନେଷ୍ଟବଳଙ୍କର ମୃତ୍ୟୁ ହୋଇଥିବା ଜଣାପଡିଛି। ମୃତ କନେଷ୍ଟବଳ ଜଣଙ୍କ ହେଲେ ସୁନୀଲ ସେଠୀ। ନୟାଗଡ ଜିଲ୍ଲା ପୋଲିସ କାର୍ଯ୍ୟାଳୟ ନିକଟରେ ଥିବା ବାରାକ୍ ରେ ରହିଆସୁଥିବା ବେଳେ ସକାଳୁ ବଡ ନିଷ୍ପତ୍ତି ନେଇଛନ୍ତି ଏବଂ ନିଜ ରିଭଲ ବଲରେ ନିଜକୁ ଗୁଳି କରି ଆତ୍ମହତ୍ୟା କରିଥିବା ଜଣାପଡ଼ିଛି । ସୁନୀଲଙ୍କ ଘର ଓଡ଼ଗାଁ ଥାନା ବାହାଡ଼ାଝୋଲା ବେରୁଆବାରୀ ଅଞ୍ଚଳରେ ହୋଇଥିବା ବେଳେ ସେ ପୂର୍ବରୁ ଅବକାରୀ ବିଭାଗରରେ ନିଯୁକ୍ତ ଥିଲେ। ତେବେ ୨୦୨୩ ବ୍ୟାଚରେ ପୋଲିସ ବିଭାଗରେ କନେଷ୍ଟବଳ ଭାବେ ନିଯୁକ୍ତ ହୋଇ କାର୍ଯ୍ୟକରି ଆସୁଥିଲେ। ତେବେ କୌଣସି ଚାପରେ ପଡ଼ି ଏଭଳି ପଦକ୍ଷେପ ନେଇଥିବା ଆଲୋଚନା ହେଉଛି। ତେବେ ସୁନୀଲଙ୍କ ଉପରେ କାହାର ଚାପ ଥିଲା ତାକୁ ନେଇ ବଡ ପ୍ରଶ୍ନବାଚୀ ସୃଷ୍ଟି କରିଛି। ସେପଟେ ବାରାକ୍ ଛାତ ଉପରେ ସୁନୀଲଙ୍କ ମୃତ ଶରୀର ପଡ଼ିଥିବା ଶୁଣିବାକୁ ମିଳିଛି। ଘଟଣା ସ୍ଥଳରେ ଅତିରିକ୍ତ ଆରକ୍ଷୀ ଅଧିକ୍ଷକ ପହଞ୍ଚିଥିବା ବର୍ତ୍ତମାନ ଯାହା ସୂଚନା ମିଳିଛି।