ନାବାଳକ ନିଖୋଜ ଘଟଣା:କ୍ଷତାକ୍ତ ଅବସ୍ଥାରେ ମୃତ ଦେହ ଉଦ୍ଧାର:ପରିବାର ଲୋକଙ୍କ ପକ୍ଷରୁ ରାସ୍ତା ଅବରୋଧ

ନୟାଗଡ଼, (ଓଡ଼ିଶା ଲେଖା): କ୍ଷତାକ୍ତ ଅବସ୍ଥା ନାବାଳକର ମୃତ ଦେହ ଉଦ୍ଧାର। ମୃତକଙ୍କ ପରିବାର ଲୋକ କଣ୍ଟିଲୋ- ଦଶପଲ୍ଲା ରାସ୍ତାରେ ଟାୟାର ଜାଳି ରାସ୍ତା ଅବରୋଧ କରିଥିବା ଜଣାପଡିଛି। ସକାଳୁ ଏଭଳି ଘଟଣା ଦେଖିବାକୁ ମିଳିଛି ଗଣିଆ ଥାନା ନିକଟରେ। ସୂଚନାନୁସାରେ, ଗଣିଆ ଥାନା ବେଲପଡା ଗ୍ରାମର ବିଜୟ ମଲ୍ଲିକଙ୍କ ୧୦ବର୍ଷୀୟ ନାବାଳକ ପୁଅ ବେଲପଡ଼ା ପ୍ରାଥମିକ ବିଦ୍ୟାଳୟର ପଞ୍ଚମ ଶ୍ରେଣୀରେ ପାଠ ପଢୁଥିଲେ । ଗତ କାଲି ମଧ୍ୟାହ୍ନ ଭୋଜନ ପରେ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ମନିଷା ସେନାପତିଙ୍କୁ ଝାଡା ଯିବାକୁ କହି ବିଦ୍ୟାଳୟରୁ ଯାଇଥିଲେ । ହେଲେ ଆଉ ଫେରି ନଥିଲେ। ପରେ ଘର ଲୋକଙ୍କ ଠାରୁ ଆରମ୍ଭ କରି ସବୁ ଆଡ଼େ ଖୋଜା ଖୋଜି କରିଥିଲେ, ହେଲେ ପାଇ ନଥିଲେ। ଆଜି ସକାଳୁ ଗାଁ ଠାରୁ ୧୦୦ମିଟର ଦୂରରେ ଥିବା ଏକ ପରିତ୍ୟକ୍ତ କୂଅରୁ ନିଖୋଜ ଛାତ୍ର ଜଣଙ୍କର କ୍ଷତ ବିକ୍ଷତ ମୃତ ଦେହ ଉଦ୍ଧାର ହୋଇଛି। କେହି ଜଣେ ମାରି କୂଅ ଭିତରକୁ ଫିଙ୍ଗି ଦେଇଥିବା ଘରଲୋକେ ଅଭିଯୋଗ କରିଛନ୍ତି । ସେପଟେ ଗଣିଆ ଛକ ଉପରେ ମୃତ ଦେହ ରଖି ପରିବାର ଲୋକ ଓ ଗ୍ରାମବାସୀ କଣ୍ଟିଲୋ-ଦଶପଲ୍ଲା ରାସ୍ତା ଅବରୋଧ କରିଛନ୍ତି ।