ନୟାଗଡ଼, (ଓଡ଼ିଶା ଲେଖା): ନୟାଗଡ଼ ସହରରେ ରାଜନୈତିକ ପୋଷ୍ଟର ଚିରାଯିବା ଘଟଣାକୁ ନେଇ ଚର୍ଚ୍ଚା ଜୋର ଧରିଛି। ବିଜେପିର ପୁରୁଖା ନେତା ସନ୍ତୋଷ ପ୍ରଧାନଙ୍କ ପୋଷ୍ଟର ଚିରା ହୋଇଥିବା ଅଭିଯୋଗ ସାମ୍ନାକୁ ଆସିବା ପରେ ଏହାକୁ ନେଇ ରାଜନୈତିକ ମହଲରେ ପ୍ରତିକ୍ରିୟା ପ୍ରକାଶ ପାଇଛି। ଆଜି ନୟାଗଡ଼ ଲାଠିପଡାକୁ ମୁଖ୍ୟମନ୍ତ୍ରୀ ଆସୁଛନ୍ତି। ସେଥିପାଇଁ ପ୍ରସ୍ତୁତି ସରିଯାଇଥିବା ବେଳେ ଆଇନ ଶୃଙ୍ଖଳା ପାଇଁ ସହରର ବିଭିନ୍ନ ସମ୍ବେଦନଶୀଳ ସ୍ଥାନରେ ଆଇନଶୃଙ୍ଖଳା ରକ୍ଷା ସହ ଅସାମାଜିକ କାର୍ଯ୍ୟକଳାପ ଉପରେ ପୋଲିସର ନଜର ରହିଥାଏ।
ତେବେ ଲୋକଙ୍କ ସମ୍ମୁଖରେ ଲାଗିଥିବା ରାଜନୈତିକ ପୋଷ୍ଟର ଚିରାଯିବା ଘଟଣା ପୋଲିସର ନଜରଦାରୀ ଓ ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ ଉଠଛି। ଘଟଣା ପଛରେ କିଏ ଅଛନ୍ତି ଏବଂ କେଉଁ ଉଦ୍ଦେଶ୍ୟରେ ପୋଷ୍ଟର ଚିରାଯାଇଛି, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଘଟଣାର ତଦନ୍ତ କରାଯାଇ ଦୋଷୀଙ୍କୁ ଚିହ୍ନଟ କରାଯିବା ସହ ଆବଶ୍ୟକ ଆଇନଗତ ପଦକ୍ଷେପ ନିଆଯିବାକୁ ଦାବି ହେଉଛି।ଏହି ଘଟଣାକୁ ନେଇ ଜିଲ୍ଲା ପୋଲିସର ପାରିପାର୍ଶ୍ୱିକ ନଜରଦାରୀ ଓ ଆଇନଶୃଙ୍ଖଳା ପରିଚାଳନା ଉପରେ ଉଠିଥିବା ପ୍ରଶ୍ନର ସ୍ପଷ୍ଟତା ତଦନ୍ତ ପରେ ହିଁ ମିଳିପାରିବ।
