ଓଡ଼ିଶା ଲେଖା ଅଫିସ୍: ବରୋଦାରେ ଖେଳ ହେଉଥିବା ଭାରତ ନ୍ୟୂଜଲ୍ୟାଣ୍ଡ ଦିନିକିଆ ସିରିଜର ପ୍ରଥମ ଦିନିକିଆରେ ଭାରତ ୪ୱିକେଟ୍ ବିଜୟୀ ହୋଇଛି । ଭାରତ ପ୍ରଥମେ ଟସ୍ ଜିତି ଫିଲ୍ଡି କରିବାକୁ ନିଷ୍ପତ୍ତି ନେଇଥିଲା । ନ୍ୟୂଜଲ୍ୟାଣ୍ଡ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୮ଟି ୱିକେଟ୍ ହରାଇ ୩୦୦ ରନ କରିଥିଲେ । ନ୍ୟୁଜଲ୍ୟାଣ୍ଡର ଡାରେଲ ମିଚେଲ ୭୧ଟି ବଲ୍ ସମ୍ମୁଖିନ ହୋଇ ୫ଟି ଚୌକା ଓ ୩ଟି ଛକା ସହାୟତାରେ ୮୪ ରନ କରିଥିବା ବେଳେ ହେନରି ନିଚୋଲ୍ସ ୬୨ରନ ଓ ଡେଭନ୍ କାଉନି ୫୬ ରନ କରିଥିଲେ ।
ଭାରତ ତରଫରୁ ମହମ୍ମଦ ସିରାଜ୍, ହରସିତ ରାନା ଓ କ୍ରିଷ୍ଣା ଦୁଇଟି ଲେଖାଏଁ ୱିକେଟ୍ ନେଇଥିବା ବେଳେ କୁଲଦୀପ ୟାଦବ ଗୋଟିଏ ୱିକେଟ୍ ନେଇଥିଲେ । ଭାରତ ୩୦୧ ରନ୍ ବିଜୟ ଲକ୍ଷ ନେଇ ରୋହିତ ଶର୍ମା ଓ ସୁଭମନ୍ ଗିଲ୍ ପଡ଼ିଆକୁ ଓହ୍ଲାଇଥିଲେ । ଭାରତୀୟ ଖେଳାଳୀ ମାନେ ନିର୍ଦ୍ଧାରିତ ଓଭର ପୁର୍ବରୁ ଗୋଟିଏ ଓଭର ବାକି ଥିବା ବେଳେ ଭାରତିୟ ଦଳ ମୂଲ୍ୟବାନ୍ ୬ଟି ୱିକେଟ୍ ହରାଇ ବିଜୟ ହାସଲ କରିନେଇଛି ।
ଦଳ ପକ୍ଷରୁ ବିରାଟ କୋହିଲ ସର୍ବାଧିକ ୯୩ରନ କରି କ୍ୟାଚ ଆଉଟ୍ ହୋଇ ପ୍ୟାଭେଲିୟନ୍ ଫେରିଥିଲେ । ୯୧ଟି ବଲ ଖେଳି ୮ଟି ଚୌକା ଓ ଗୋଟିଏ ଛକା ସହାୟତାରେ ୯୩ରନ କରିଥିଲେ କୋହିଲ୍ । ଶୁଭମନ ଗିଲ୍ ୫୬, ଶ୍ରେୟସ ଆୟର ୪୯, ହରଷିତ ରାନା ୨୯, ରୋହିତ ଶର୍ମା ୨୬ ଓ କେଏଲ ରାହୁଲ ୨୯ ରନ୍ କରି ୪୯ ଓଭରରେ ୩୦୬ ରନ୍ କରି ୪ୱିକେଟ୍ ବିଜୟ ହାସଲ କରିନେଇଛି ଭାରତ । ଭାରତ ୩ଟି ଦିନିକିଆ ସିରିଜ୍ ରୁ ଗୋଟିଏ ମ୍ୟାଚ୍ ଜିତି ଆଗୁଆ ରହିଛି । ବିରାଟ କୋହିଲ୍ ମ୍ୟାନ ଅଫ ଦି ମ୍ୟାଚ୍ ବିବେଚିତ ହୋଇଥିବା ସୂଚନା ମିଳିଛି ।
