ପାରିବାରିକ କଳହର ଭୟାନକ ଘଟଣା: ବିଷ ପିଇ ଶାଶୁର ଆତ୍ମାହତ୍ୟା

ନୟାଗଡ଼, (ଓଡ଼ିଶା ଲେଖା): ପରିବାର ଭିତରେ କଳହ ଲାଗି ରହିଥିବାରୁ ଶାଶୁର ଚରମ ନିଷ୍ପତ୍ତି ଉପରେ ସାରା ପରିବାର ସ୍ତବ୍ଦ ହୋଇଯାଇଛି। ପାରିବାରିକ କଳହ ଯୋଗୁଁ ଶାଶୁ ବିଷ ପିଇ ଆତ୍ମହତ୍ୟା କରିଛି । ଏଭଳି ଘଟଣା ଘଟିଛି ଶରଣକୁଳ ଥାନା କଲ୍ୟାଣପୁର ଗାଁରେ । ସୂଚନାନୁସାରେ, ନୟାଗଡ଼ ଜିଲ୍ଲା ଶରଣକୁଳ ଥାନା ଅନ୍ତର୍ଗତ କଲ୍ୟାଣପୁର ଗାଁର ରଘୁନାଥ ମହାନ୍ତିଙ୍କ ପରିବାରରେ କୌଣସି କାରଣକୁ ନେଇ କଳହ ଲାଗିଥିବା ବେଳେ ବସନ୍ତଙ୍କ ସ୍ତ୍ରୀ ବାସନ୍ତୀ ମହାନ୍ତି ବିଷ ପିଇ ଦେଇଥିଲେ। ପରିବାର ଲୋକ ଉଦ୍ଧାର କରି ଆଣି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । କିନ୍ତୁ ପ୍ରାଥମିକ ଚିକିତ୍ସା ପୁର୍ବରୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଶାଶୁ ବୋହୂ ପାରିବାରିକ କଳହକୁ ନେଇ ଏଭଳି ଘଟଣା ଘଟିଛି ବୋଲି ଆଲୋଚନା ହେଉଛି । ସେପଟେ ଶରଣକୁଳ ପୋଲିସ ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ କରିବା ପରେ ପରିବାର ଲୋକଙ୍କୁ ମୃତ ଶରୀର ହସ୍ତାନ୍ତର କରି ତଦନ୍ତ କରୁଥିବା ଜଣାପଡିଛି।