ଓଏଏସ ସ୍ତରରେ ବଦଳି: ଓଡ଼ଗାଁ ବିଡ଼ିଓ ହେଲେ ପ୍ରିତିବାଳା

ନୟାଗଡ଼, (ଓଡ଼ିଶା ଲେଖା): ରାଜ୍ୟ ସରକାରଙ୍କ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ପକ୍ଷରୁ ଓଏଏସ ସ୍ତରରେ ବଦଳି କରାଯାଇଛି । ପଞ୍ଚାୟତିରାଜ ଓ ପାନୀୟ ଜଳ ବିଭାଗର ଚିଠି ନଂ ୩୩୪୫୩ ରେ ୧୦ଜଣ ବିଡ଼ିଓଙ୍କ ବଦଳି ବିଭିନ୍ନ ବ୍ଲକକୁ ବଦଳି କରାଯାଇଛି । ଉକ୍ତ ଚିଠିରେ ନୟାଗଡ଼ ଜିଲ୍ଲାକୁ ଜଣେ ବିଡ଼ିଓଙ୍କୁ ବଦଳି କରାଯାଇଛି । ରାଜସ୍ବ ବିଭାଗରୁ ପଞ୍ଚାୟତିରାଜ ବିଭାଗକୁ ପରିବର୍ତ୍ତନ କରିଥିବା ଓଏଏସ୍ ଅଫିସର୍ ପ୍ରିତିବାଳା ରଣାଙ୍କୁ ଓଡ଼ଗାଁ ବିଡ଼ିଓ ଭାବେ ନିଯୁକ୍ତ କରାଯାଇଛି । ପ୍ରିତିବାଳା ରଣା ପୂର୍ବରୁ ଗଣିଆ ତହସିଲଦାର ଭାବେ ଉନ୍ନତ ମାନର କାର୍ଯ୍ୟ କରି ସ୍ଥାନୀୟ ଜନସାଧାରଣଙ୍କ ନିକଟର ହୋଇ ପ୍ରଶଂସା ସାଉଁଟି ପାରିଛନ୍ତି ।