ନରସିଂହପୁର, (ଓଡ଼ିଶା ଲେଖା): କଟକ ଜିଲ୍ଲା ଶାଖା ତରଫରୁ ଜାତୀୟ ଫାର୍ମାସୀ ସପ୍ତାହ ପାଳନ କରାଯାଇଛି । କଟକ ଜିଲ୍ଲା ମୁଖ୍ୟ ଚିକିତ୍ସାଳୟ ଓ କଟକ ଜିଲ୍ଲାର ସମସ୍ତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର, ଉପ ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଥିବା ସମସ୍ତ ଫାର୍ମାସି ଅଫିସର ଓ ନରସିଂହପୁର ଗୋଷ୍ଠୀ ସ୍ୱାସ୍ଥକେନ୍ଦ୍ରର ପ୍ରାୟ ୫୦ ରୁ ଉର୍ଦ୍ଧ ଫାର୍ମାସିଷ୍ଟ ମାନଙ୍କୁ ନେଇ ଫାର୍ମାସୀ ସପ୍ତାହ ସଭା ଆୟୋଜନ କରାଯାଇଛି ।
ନରସିଂହପୁର ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଡାକ୍ତର ଆଲୋକ ମାହାଲି ଏହି ସଭାକାର୍ଯ୍ୟରେ ଅତିଥି ଭାବେ ଯୋଗଦେଇଥିବା ବେଳେ କଟକ ଜିଲ୍ଲା ଫାର୍ମାସୀ ସଂଘ ସଭାପତି ସୁଧାଂଶୁ ଶେଖର ପଣ୍ଡା, ସେକ୍ରେଟାରୀ ସୁବ୍ରତ ଶତପଥୀ, କୋଷାଧକ୍ଷ ନାରାୟଣ ପ୍ରସାଦ ତିୱାରୀ, ନରସିଂହପୁର ସ୍ୱାସ୍ଥ୍ୟକେନ୍ଦ୍ରର ଫାର୍ମାସିଷ୍ଟ ପ୍ରଶାନ୍ତ କୁମାର ପଣ୍ଡା, ଜ୍ଞାନ ରଞ୍ଜନ ସାହୁ, ସତ୍ୟ ରଞ୍ଜନ ପଣ୍ଡା ଓ ପ୍ରଭୁଦତ୍ତ ଗୁରୁ ପ୍ରମୁଖ ଯୋଗଦେଇଥିଲେ। ଡାକ୍ତରଖାନା ପରିସରରେ ମା ପାଇଁ ଗଛଟିଏ କାର୍ଯ୍ୟକ୍ରମ କରି ସଂଘ ତରଫରୁ ୧୫ଟି ବୃକ୍ଷରୋପଣ କରାଯାଇଥିଲା ଓ ଫାର୍ମାସି ଅଫିସର (ଭେଷଜକ ଅଧିକାରୀ) ମାନେ କିପରି ସ୍ୱାସ୍ଥ୍ୟସେବା ର ଏକ ଅଭିନ୍ନ ଅଙ୍ଗ ତାହା ଉପରେ ଆଲୋକ ପାତ କରିଥିଲେ ଓ ନିଜ ନିଜର କାର୍ଯ୍ୟରେ ସର୍ବଦା ଶତପ୍ରତିଶତ ସେବା ମନୋଭାବ ରଖିବାକୁ ସମସ୍ତଙ୍କୁ ଅନୁରୋଧ କରିଥିଲେ।
