ଅଗ୍ରଦୂତ ନର୍ସିଂ ମହାବିଦ୍ୟାଳୟରେ ଶିଶୁ ଦିବସ ଓ ମୁଧୂମେହ ଦିବସ

ନୟାଗଡ଼, (ଓଡ଼ିଶା ଲେଖା): ନୟାଗଡ଼ ଜିଲ୍ଲା ବାଲୁଗାଁ ପଞ୍ଚାୟତ ଅନ୍ତର୍ଗତ ପାଣିପୋଇଲା ନିକଟରେ ଥିବା ଅଗ୍ରଦୂତ ନର୍ସିଂ ମହାବିଦ୍ୟାଳୟରେ ଶିଶୁ ଦିବସ ଓ ମଧୁମେହ ଦିବସ ପାଳିତ ହୋଇଯାଇଛି । ଆୟୋଜିତ ସଭାରେ ଅଧ୍ୟାପକ ଅଧ୍ୟାପିକା ମାନେ ନର୍ସିଂ ଛାତ୍ର ଛାତ୍ରୀଙ୍କ ମଧୁମେହ ରୋଗ ସଂପର୍କରେ ବିଶେଷ ଭାବରେ ଆଲୋଚନା କରିଥିଲେ । ତତ୍ ସହିତ ଶିଶୁ ଦିବସ ଓ ମଧୁମେହ ଦିବସକୁ ଛାତ୍ର ଛାତ୍ରୀଙ୍କ ମଧ୍ୟରେ ବକ୍ତୃତା, ସଙ୍ଗୀତ, କୁଇଜ୍ ଓ ନୃତ୍ୟ ପ୍ରତିଯୋଗିତା କରାଯାଇଥିଲା। ଉକ୍ତ ପ୍ରତିଯୋଗିତାରେ କୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀ ମାନଙ୍କୁ ନର୍ସିଂ ମହାବିଦ୍ୟାଳୟରେ ଅଧ୍ୟାପକ ଅଧ୍ୟାପିକା ମାନେ ପୁରସ୍କାର ବିତରଣ କରିଥିଲେ । ଉକ୍ତ କାର୍ଯ୍ୟକ୍ରମରେ ବହୁ ଛାତ୍ର ଛାତ୍ରୀ, ଅଧ୍ୟାପକ ଅଧ୍ୟାପିକା ଓ ଅଗ୍ରଦୂତ ନର୍ସିଂ ମହାବିଦ୍ୟାଳୟର କର୍ମଚାରୀ ମାନେ ଉପସ୍ଥିତ ଥିଲେ ।