ନୟାଗଡ଼, (ଓଡ଼ିଶା ଲେଖା): ଜିଲ୍ଲା ସ୍ଵାସ୍ଥ୍ୟ ସମିତି ଓ ରାଜ୍ୟ ଏଡସ୍ ନିୟନ୍ତ୍ରଣ ସମିତି ସହଭାଗିତା ପକ୍ଷରୁ ନୟାଗଡ଼ ପୌର ପରିଷଦର ନୂତନ ସମ୍ମିଳନୀ କକ୍ଷରେ ଏଚଆଇଭି ଏଡସ୍ ଓ ଏଚଆଇଭି ଆଇନ୍ ସଂପର୍କରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ନୟାଗଡ଼ ପୌର ପରିଷଦର ପୌରାଧ୍ୟକ୍ଷା ନିରୂପମା ଖଟେଇ ମୁଖ୍ୟ ଅତିଥି ଭାବେ ଯୋଗଦେଇ ବେଳେ ସମ୍ମାନୀତ ଅତିଥି ଭାବେ ଉପାଧ୍ୟକ୍ଷ ଗୁରୁପ୍ରସାଦ ଜେନା, ନିର୍ବାହୀ ଅଧିକାରୀ ସ୍ନେହଲତା ଆଚାର୍ଯ୍ୟ, ଇଁ ଅଜୟ ପାତ୍ର, ଡିପିଏମ୍ ବିଧାନ ଚନ୍ଦ୍ର ନାୟକ, କିଶୋର କୁମାର କାନୁନଗୋ ମଞ୍ଚାସିନ ହୋଇଥିଲେ ।
ଉକ୍ତ ସଚେତନତା ସଭାରେ ପଞ୍ଚାୟତି ରାଜ ଅନୁଷ୍ଠାନ ଅନୁସାରେ ଜନପ୍ରତିନିଧି ମାନଙ୍କୁ ଏଚଆଇଭି ଏଡସ୍ ଓ ଏଚଆଇଭି ଆଇନ୍ ସଂପର୍କରେ ବିସ୍ତୃତ ଭାବେ ଆଲୋଚନା କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଜନପ୍ରତିନିଧି ମାନଙ୍କ ଭୂମିକା ବିଷୟରେ ଅବଗତ କରାଇଥିଲେ ।
ନୟାଗଡ଼ ପୌର ପରିଷଦ ଅଂଚଳରେ ଥିବା ଜିଲ୍ଲା ମୁଖ୍ୟ ଚିକିତ୍ସାଳୟ ଓ ବେସରକାରୀ ହସ୍ପିଟାଲ୍, କ୍ଲିନିଗ୍ ଗୁଡ଼ିକୁ ହସ୍ପିଟାଲର ଅଳୀହା ଆବର୍ଜନା ଦେଲା ସମୟରେ ସଠିକ୍ ଭାବେ ଦବାକୁ ତାଗିଦ୍ କରନ୍ତୁ ବୋଲି ନୟାଗଡ଼ ପୌର ପରିଷଦ ପକ୍ଷରୁ ଜିଲ୍ଲା ସ୍ଵାସ୍ଥ୍ୟ ସମିତିର ଅଧିକାରୀଙ୍କୁ ପୌରାଧ୍ୟକ୍ଷା ଶ୍ରୀମତୀ ଖଟେଇ ପରାମର୍ଶ ଦେଇଥିଲେ । ଆଜିର ଏହି ସଭାରେ କାଉନସିଲର ଜାନକୀ ବଲ୍ଲଭ ଜେନା, ଦୀନବନ୍ଧୁ ଗୁରୁ, ଗୀତାଞ୍ଜଳୀ ସ୍ବାଇଁ ଯୋଗ ଦେଇଥିବା ବେଳେ ପୌର ପରିଷଦର ସମସ୍ତ ଯନ୍ତ୍ରୀ ଓ କର୍ମଚାରୀ ଆଲୋଚନାରେ ସାମିଲ ହୋଇଥିଲେ। ଜିଲ୍ଲା ସ୍ଵାସ୍ଥ୍ୟ ସମିତିର ଡିଆଇସି କଳ୍ପନା ନାୟକ, ଲ୍ୟାବ ଟେକ୍ନିସିଆନ୍ ରଂଜିତ କୁମାର ନାୟକ ଉପସ୍ଥିତ ଥିଲେ ।
