ଓଡ଼ିଶା ଲେଖା ଅଫିସ୍: ଭାରତ ଆଜି ଦୁଇ ଦୁଇ ଟି ମ୍ୟାଚ୍ ଖେଳୁଛି । ପୁରୁଷ ବର୍ଗରେ ଭାରତ ଟି-୨୦ ମ୍ୟାଚରେ ଅଷ୍ଟ୍ରେଲିଆକୁ ଭେଟିଥିବା ବେଳେ ଭାରତର ମହିଳା ଟିମ୍ ଆଜି ମହିଳା ବିଶ୍ୱକପ୍ ଫାଇନାଲରେ ଦକ୍ଷିଣ ଆଫ୍ରିକାକୁ ଭେଟିଛି ।ଭାରତ ଟି-୨୦ର ୩ୟ ଦିବସ ମ୍ୟାଚରେ ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ୨୦ ଓଭରରେ ୬ଟି ୱିକେଟ ହରାଇ ୧୮୬ରନ କରିଥିଲା । ଅଷ୍ଟ୍ରେଲିଆର ସର୍ବାଧିକ ରନ ଟିମ ଡେଭିଡ୍ ୫ଟି ଛକା ଓ ୮ଟି ଚୌକା ସହାୟତାରେ ୭୪ରନ୍ କରିଥିବା ବେଳେ ମାର୍କସ ଷ୍ଟନିକ୍ ୨ଟି ଛକା, ୮ଟି ଚୌକା ସହାୟତାରେ ୬୪ରନ୍ କରି ଭାରତ ଆଗରେ ୧୮୭ରନ ବିଜୟ ରଖିଥିଲା । ତେବେ ଭାରତ ପକ୍ଷରୁ ଆର୍ଷୀଦିପ ସିଂ ସର୍ବାଧିକ ୩ଟି ୱିକେଟ ନେଇଥିବା ବେଳେ ବରୁନ ଚକ୍ରବର୍ତ୍ତୀ ୨ଟି ୱିକେଟ୍ ଓ ଶିବମ ଦୁବେ ଗୋଟିଏ ୱିକେଟ୍ ନେଇଥିଲେ । ତେବେ ଭାରତ ୧୮୭ରନ ବିଜୟ ଲକ୍ଷ ନେଇ ପଡ଼ିଆକୁ ପ୍ରବେଶ କରିଥିଲା ।
ଭାରତର ୱାସିଂଟନ୍ ସୁନ୍ଦର ଅଷ୍ଟ୍ରେଲିଆ ବୋଲରଙ୍କୁ ଧୁଆଁଧାର ବ୍ୟାଟିଂ କରି କଡ଼ା ଜବାବ୍ ଦେଇଥିଲେ । ଭାରତ ଏହି ମ୍ୟାଚକୁ ୫ ୱିକେଟ୍ ରେ ବିଜୟୀ ଲାଭ କରିଛି । ଭାରତ ପକ୍ଷରୁ ୱାସିଂଟନ୍ ସୁନ୍ଦର ୨୩ଟି ବଲ୍ ସମ୍ମୁଖୀନ ହୋଇ ୪ଟି ଛକା ଓ ୩ଟି ଚୌକା ସହାୟତାରେ ୪୯ରନ କରି ଅପରାଜିତ ଥିବା ବେଳେ ତିଲକ ବର୍ମା ୨୯ରନ, ଅଭିଷେକ ଶର୍ମା ୨୫, ସୂର୍ଯ୍ୟକୁମାର ଯାଦବ ୨୪ରନ ଜିତେସ୍ ଶର୍ମା ୨୨, ଅକ୍ଷର ପଟେଲ ୧୭ ଓ ଶୁଭମ୍ ଗିଲ୍ ୧୫ରନ କରି ଭାରତକୁ ନିର୍ଦ୍ଧାରିତ ଓଭର ପୁର୍ବରୁ ବିଜୟୀ କରିଥିଲେ । ଆଜିର ଏହି ମ୍ୟାଚ୍ ର ଆର୍ଷିଦିପ ସିଂ ମ୍ୟାନ ଅଫ ଦ ମ୍ୟାଚ୍ ବିବେଚିତ ହୋଇ ଟ୍ରଫି ଗ୍ରହଣ କରିଛନ୍ତି ।
