ନରସିଂହପୁର, (ଓଡ଼ିଶା ଲେଖା): କଟକ ଜିଲ୍ଲା ନରସିଂହପୁର ବ୍ଲକ ଅନ୍ତର୍ଗତ କାକୁଡ଼ିଆ ଟାଙ୍ଗୀସାହି ଗ୍ରାମର ଦିଲ୍ଲୀପ କୁମାର ସାହୁ ବର୍ତମାନ ଜୀବନ ଆଉ ମରଣ ସହ ଲଢେଇ କରୁଛନ୍ତି । ଦୁଇମୁଠା ଖାଇବାପାଇଁ ଡହଳ ବିକଳ ହେଉଥିବା ବେଳେ ଦିଲ୍ଲୀପ କୁମାର ସାହୁଙ୍କ ଧର୍ମପତ୍ନୀ ଏବଂ ପରିବାର ବେସାହାରା ହୋଇପଡିଛନ୍ତି । ତେବେ ଦିଲ୍ଲୀପଙ୍କ ଖବର ପାଇ ନରସିଂହପୁର ଥାନାର ଆଇଆଇସି ଭବାନୀ ଶଙ୍କର ଖୁଣ୍ଟିଆ ପହଞ୍ଚି ସହାୟତାର ହାତ ବଢାଇଛନ୍ତି । ସୂଚନାନୁସାରେ, ଜୀବନରେ ଦୁଃଖ କେତେବେଳେ ଆସେ କାହାକୁ ବି ଜଣାନଥାଏ । ଆଉ ଚିକିତ୍ସାରେ ଯେବେ ଅର୍ଥ ବାଧକ ସାଜେ ସେତେବେଳେ ଦୁଃଖ ଆହୁରି ବଢିଯାଏ । ଆଜକୁ ଏକବର୍ଷ ହେବ କିଡ୍ନୀ ରୋଗରେ ଆକ୍ରାନ୍ତ ହୋଇ ଜୀବନ ସହ ସଂଗ୍ରାମ କରୁଛନ୍ତି ଦିଲ୍ଲୀପ କୁମାର । ଆଗକୁ ଚିକିତ୍ସା ହେବା ପାଇଁ ଆଉ ସାମର୍ଥ୍ୟ ନାହିଁ । ଅଧିକ ଚିକିତ୍ସା ପାଇଁ ଅର୍ଥ ସାଜିଛି ବାଧକ । ତେବେ ନିଜର ଅଧିକା ଚିକିତ୍ସା କରାଇବା ପାଇଁ ସରକାରଙ୍କ ନିକଟରେ ନିବେଦନ କରିଛନ୍ତି ପରିବାର ଲୋକେ । ତେବେ ପରିବାର କହିଲେ ସ୍ୱାମୀ ସ୍ତ୍ରୀ ଓ ଘରେ ୨ଟି ପୁଅ ଏବଂ ଗୋଟିଏ ଝିଅ ସହିତ ବୁଢ଼ୀ ମା କୁ ମିଶାଇ ୬ ପ୍ରାଣୀ । ଦିଲ୍ଲୀପ କୁମାର ସାହୁ ଦିନ ମଜୁରିଆ ଭାବରେ ପୂର୍ବରୁ କେରଳ ରେ ସମୁଦ୍ର ମଝିରେ ଡ଼ଙ୍ଗା ସାହାଯ୍ୟ ରେ ମାଛ ଧରି ପ୍ରତିପୋଷଣ କରୁଥିଲେ ହେଲେ ଦିନେ ଅସାବଧାନତା ପାଇଁ ତାଙ୍କ ଗୋଡ଼ରେ ଜାଲ ଲାଗିଯିବାରୁ ତାଙ୍କର ଗୋଟେ ଗୋଡ଼ କଟାଯାଇଥିଲା ।
କଥାବି ସେ ଜୀବନ ଯୁଦ୍ଧରେ ନ ହାରି ପରିବାର ପାଇଁ ବିଭିନ୍ନ ସମୟରେ ବୁଲିବୁଲି ଦିନ ମଜୁରିଆ ଭାବରେ କାମ କରି ପରିବାର ଚଳାଉଥିଲେ ହେଲେ ବିଧାତାର ରଚନା କିଛି ଅଲଗା ଥିଲା ଗୋଟେ ଦୁଃଖ ନ ସରୁଣୁ ଆଉ ଗୋଟେ ବଡ଼ ରୋଗ (କୀଡୀନି) ତାଙ୍କୁ ଆଜି ଜୀବନ ଆଉ ମରଣ ଭିତରେ ଅସହାୟ କରିଦେଇଛି । ତେବେ ଦିଲ୍ଲୀପ କୁମାର ସାହୁଙ୍କ ଧର୍ମପତ୍ନୀ ଙ୍କ କହିବା ଅନୁସାରେ ୬ ମାସ ତଳେ ଦିଲ୍ଲୀପ ହଠାତ ଅସୁସ୍ଥ ହୋଇପଡିଥିଲେ । ପ୍ରଥମେ ଝାଡ଼ା ପରିଶ୍ରା ସହ ଅଣ ନିଶ୍ୱାସୀ ଅନୁଭବ କରିବାରୁ ସ୍ଥାନୀୟ ନରସିଂହପୁର ଡାକ୍ତରଖାନାରେ ଯାଞ୍ଚ କରାଇଥିଲେ । ଯାଞ୍ଚ ପରେ ମଧ୍ୟ ଡାକ୍ତର ରୋଗ ଧରି ପାରିନଥିଲେ । ତେଣୁ ଅଧିକ ଚିକିତ୍ସା ପାଇଁ କଟକ ସ୍ଥିତ ବଡ଼ ଡ଼ାକ୍ତରଖାନାରେ ଡାକ୍ତରଙ୍କୁ ଦେଖାଇ ଥିଲେ । ସେଠାରେ ଯାଞ୍ଚ ରିପୋର୍ଟରେ ଦିଲ୍ଲୀପ ଙ୍କ ଦୁଇଟି ଯାକ କିଡନୀ ଖରାପ ହୋଇଯାଇଥିବା ସହିତ ଖାଦ୍ୟ ନାଳୀରେ ଘା ମଧ୍ୟ୍ୟ ହୋଇଯାଇଛି ବୋଲି ଡାକ୍ତର କହିଥିଲେ । ଯଥା ଶୀଘ୍ର କିଡନୀ ପ୍ରତିରୋପଣ ପାଇଁ କହିବା ସହ ଜୀବନ ବଞ୍ଚାଇବା ପାଇଁ ନିରନ୍ତର ଡାଇଲିସିସ କରାଇବାକୁ ପଡିବ ବୋଲି କହିଥିଲେ । ସେହି ଦିନଠାରୁ ଆଜି ପର୍ଯ୍ୟନ୍ତ ଅର୍ଥ ଅଭାବରୁ ଡାଇଲିସସ ହେବାପାଇଁ ପରିବାର ପାଖରେ ଆର୍ଥିକ ସୁବିଧା ନାହିଁ । ସ୍ୱାମୀଙ୍କ ର କିଡନୀ ପ୍ରତିରୋପଣ ପାଇଁ ବନ୍ଧୁ ବାନ୍ଧବ ସମ୍ପର୍କୀୟଙ୍କୁ ସୁଲୋଚନା ସାହୁ କିଡନୀ ପାଇଁ ନେହୁରା ହୋଇଥିଲେ କିନ୍ତୁ କିଛି ଲାଭ ହେଲାନି ।
ଦାମୀ ଔଷଧ, ରକ୍ତ ଏବଂ ଯିବା ଆସିବା ଭଳି ଆନୁସଙ୍ଗିକ ଖର୍ଚ୍ଚ ବାବଦରେ ପ୍ରତି ସପ୍ତାହ ହଜାରହଜାର ଟଙ୍କା ବ୍ୟୟ ହେଉଥିବା ବେଳେ ଏବେ ସୁଦ୍ଧା ପାଖରେ ଯାହାବି ଥିଲା ସବୁ ଖର୍ଚ୍ଚ ହେଲାଣି । ଗୋଟିଏ ପଟେ ସ୍ୱଳ୍ପ ଦରମାରେ ତିନି ଛୁଆଙ୍କ ପାଠପଢା ସହ ଘର ଏବଂ ମେଡ଼ିକାଲ ଖର୍ଚ୍ଚ ବୋଝ ସ୍ୱାମୀ ଦିଲ୍ଲୀପ କୁମାର ସାହୁଙ୍କ ମେରୁଦଣ୍ଡକୁ ଭାଙ୍ଗି ଦେଲାଣି । ଯଦି କିଛିଟା ସରକାରୀ ସହାୟତା ସହ କେହି ସହୃଦୟ ବ୍ୟକ୍ତି କିଡ଼ନୀ ଦାନ କରିବେ ତେବେ ଦିଲ୍ଲୀପ କୁମାର ସାହୁ ବଞ୍ଚିଯାଇ ପାରିବେ ବୋଲି ସ୍ତ୍ରୀ ସୁଲୋଚନା ସାହୁ ଆକୁଳ ନିବେଦନ କରିଛନ୍ତି । ତା ସହିତ ସ୍ଥାନୀୟ ପ୍ରଶାସନ ଠୁ ନେଇ ଉପରିସ୍ଥ ଅଧିକାରି ଙ୍କ ପର୍ଯ୍ୟନ୍ତ ଉକ୍ତ ପରିବାର କୁ ଯଥାଶୀଘ୍ର ସରକାରୀ ସହାୟତା ଯୋଗାଇ ଦେବାକୁ ବୁଦ୍ଧିଜୀବୀ ମହଲରେ ନିବେଦନ କରିଛନ୍ତି।
