ନରସିଂହପୁର, (ଓଡ଼ିଶା ଲେଖା): ଦେଶରେ ସକ୍ରିୟ ହେଇଛନ୍ତି ସାଇବର ଠକ। ସାଇବର ଠକର ମାୟା ଜାଲରେ ଛଟପଟ ହେଉଛନ୍ତି ଯୁବ ଗୋଷ୍ଠୀ ଓ ସଧାରଣ ଜନତା । ସେଥିରୁ ନିବୃତ ରହିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ସାଇବର ସୁରକ୍ଷା ସଚେତନତା କାର୍ଯ୍ୟକ୍ରମ ଆରମ୍ଭ କରାଯାଇଛି । ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ନରସିଂହପୁର ପୋଲିସ ପକ୍ଷରୁ ବାଗଧରିଆ ସ୍ଥିତ କାଇଜେନ୍ ଯୁକ୍ତ ଦୁଇ ବିଜ୍ଞାନ ମାଧ୍ୟମିକ ଶିକ୍ଷା ପରିଷଦ ପରିସରରେ ସାଇବର ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ନରସିଂହପୁର ଆଇଆଇସି ଭବାନୀ ଶଙ୍କର ଖୁଣ୍ଟିଆଙ୍କ ତତ୍ତ୍ଵାବଧାନରେ ଆୟୋଜିତ ସାଇବର ସୁରକ୍ଷା ସଚେତନତା କାର୍ଯ୍ୟକ୍ରମ ଏସଡିପିଓ ଅତିଥି ଭାବେ ଯୋଗଦେଇ ଛାତ୍ର ଛାତ୍ରୀ ମାନଙ୍କୁ ସାଇବର ଠକ ନିଜକୁ କିପରି ଭାବେ ନିଜେ ଦୂରେଇ ରହିବା ସହ ଅନ୍ୟ ମାନଙ୍କୁ ସାଇବର ଠକ କବଳରୁ ରକ୍ଷା କରିପାରିବା ସେ ନେଇ ସଚେତନ କରେଇବା ସହ ସାଇବର ଠକ କବଳରୁ ନିଜକୁ ସୁରକ୍ଷିତ ରଖିବା ପାଇଁ ଶପଥ ପାଠ କରାଇଥିଲେ । ଉକ୍ତ କାର୍ଯ୍ୟକ୍ରମରେ ନରସିଂହପୁର ଥାନାର କର୍ମଚାରୀ ଓ କାଇଜେନ୍ ଯୁକ୍ତ ଦୁଇ ବିଜ୍ଞାନ ମାଧ୍ୟମିକ ଶିକ୍ଷା ପରିଷଦର ପରିଚାଳକ ନିର୍ଦ୍ଦେଶକ ଚିତ୍ତରଞ୍ଜନ ଭୂୟାଁ, ଅଧ୍ୟକ୍ଷ ଐଶ୍ଵର୍ଯ୍ୟା ପ୍ରିୟଦର୍ଶିନି ଅତିଥି ଭାବେ ଯୋଗଦେଇଥିବା ବେଳେ ବହୁ ଛାତ୍ର ଛାତ୍ରି ଉପସ୍ଥିତ ଥିଲେ ।
