ନୟାଗଡ଼, (ଓଡ଼ିଶା ଲେଖା): ରାଜ୍ୟର କୃଷି ବିଭାଗରେ ଅନେକ ପଦବୀ ଖାଲି ପଡ଼ିଛି । ଦାୟୀତ୍ଵ ବଣ୍ଟନରେ କାମ ଚାଲିଛି । ରାଜ୍ୟରେ ଡବଲ ଇଞ୍ଜିନ ସରକାର ୫୦୦ଦିନ ପୂରଣ ହେଲାଣି କିନ୍ତୁ ବର୍ତ୍ତମାନ ଶୁଦ୍ଧା କୃଷି ବିଭାଗରେ ଖାଲି ପଡ଼ିଥିବା ପଦବୀ ପୂରଣ କରିବାର ବିଫଳ ପାଲଟିଛି । ତେବେ ଯାହା ହଉ ରାଜ୍ୟରେ ଅନେକ ଜିଲ୍ଲାରେ କେଉଁଠି ୧୦ପଦବୀ ତ ଆଉ କେଉଁଠି ୨୦ରୁ ଉର୍ଦ୍ଧ୍ବ ପଦବୀ ଖାଲି ପଡ଼ିଛି କିନ୍ତୁ ନୟାଗଡ଼ କୃଷି ବିଭାଗର ରିପୋର୍ଟ ଅନୁସାରେ ନୟାଗଡ଼ ଜିଲ୍ଲା ମୁଖ୍ୟ କୃଷି ବିଭାଗ କାର୍ଯ୍ୟାଳୟରେ ୬ଟି ପଦବୀ ଖାଲି ପଡ଼ିଛି । ସେଗୁଡିକ ହେଲା ଏଏଓ ଗୋଟିଏ ପଦବୀ ଖାଲି ପଡ଼ିଥିବା ବେଳେ ଏଓ ପଦବୀରେ ଗୋଟିଏ ଏବଂ ସିନିୟର୍ ଆସିଷ୍ଟାଣ୍ଟ ୨ଟି ପଦବୀ ଖାଲିପଡ଼ିଛି । ସେହିପରି ଭାବେ ଅଫିସ୍ ରେ ୨ଟି ପିଅନ ପଦବୀ ଖାଲିପଡ଼ି ଥିବା ସୂଚନା ଅଧିକାର ଆଇନ ବଳରେ ଜଣାପଡ଼ିଛି । ତେବେ ଏହି ଖାଲି ପଡ଼ିଥିବା ୬ଟି ପଦବୀ ରାଜ୍ୟ ସରକାର କେବେ ପୂରଣ କରୁଛନ୍ତି ତାହା ଦେଖିବାକୁ ବାକି ରହିଲା ।
