ନୟାଗଡ଼, (ଓଡ଼ିଶା ଲେଖା): ବଂଶୀଧର ଇଣ୍ଟରନ୍ୟାସନାଲ ଫାଉଣ୍ଡେସନ୍ ଫର୍ ପିସ୍ ଆଣ୍ଡ ଡେଭଲପମେଣ୍ଟ ପକ୍ଷରୁ ଆସନ୍ତାକାଲି ଅର୍ଥାତ୍ ଅକ୍ଟୋବର ୨୬ତାରିଖ ରବିବାର ଦିନ ସକାଳ ୯ଟା ସମୟରୁ ମାଗଣା ସ୍ବାସ୍ଥ୍ୟ ଶିବିର ଇଟାମାଟି ଆର୍ଶୀବାଦ କଲ୍ୟାଣ ମଣ୍ଡପ ପରିସରରେ ଅନୁଷ୍ଠିତ ହେବାକୁ ଯାଉଛି । ଅଭିଜ୍ଞ ଡାକ୍ତର ମାନଙ୍କ ଦ୍ୱାରା ସକାଳ ୯ଟା ରୁ ଆରମ୍ଭ ହୋଇ ଅପରାହ୍ନ ୨ଟା ପର୍ଯ୍ୟନ୍ତ ଏହି ସ୍ବାସ୍ଥ୍ୟ ଶିବିର ଚାଲୁ ରହିବ । ସ୍ବାସ୍ଥ୍ୟ ଶିବିରରେ ରିଜେନେରେଟିଭ ଥେରାପି ଦ୍ୱାରା ଚିକିତ୍ସା କରାଯିବ । ଅଣ୍ଟା ଯନ୍ତ୍ରଣା, ସ୍ପନଣ୍ଡିଲାଇଟିସ୍, ଆଣ୍ଠୁ ଗଣ୍ଠି ଯନ୍ତ୍ରଣାର ଚିକିତ୍ସା କରାଯିବ । ତେଣୁ ଉକ୍ତ ଶିବିରରେ ବହୁ ମାତ୍ରାରେ ଯୋଗ ଦେଇ ମାଗଣା ସ୍ବାସ୍ଥ୍ୟ ଶିବିରର ଫାଇଦା ଉଠାନ୍ତୁ ବୋଲି ଆୟୋଜକଙ୍କ ଠାରୁ ସୂଚନା ମିଳିଛି ।
