ନୟାଗଡ଼, (ଓଡ଼ିଶା ଲେଖା): ଭାରତୀୟ ଐତିହ୍ୟ ସଂସ୍କୃତିରେ ଶକ୍ତି ପୂଜା ପରମ୍ପରା ବହୁ ପୁରାତନ I ଉତ୍କଳୀୟ ସଂସ୍କୃତିର ଉଦ୍ବେଳିତ ଜନମାନସ ଦେବୀ ପୂଜାକୁ ଭକ୍ତି ଓ ନିଷ୍ଠା ସହକାରେ ଆପଣେଇ ନେଇଥାନ୍ତି । ଏଥିପାଇଁ ଗାଁ ଠୁ ସହର ସବୁଠି ଉତ୍ସବ ମୁଖର । ଗାଁ ଗହଳି ଓ ବଡ଼ ବଡ଼ ସହରରେ ହେଉଛି ଦୁର୍ଗାପୂଜା । ସେଥିରୁ ବାଦ ପଡିନି ନୟାଗଡ଼ ସହର। ନୟାଗଡ଼ ସହରରେ ଅନୁଷ୍ଠିତ ଦୁର୍ଗାପୂଜା ନିଆରା ଢଙ୍ଗରେ ପାଳିତ ହୁଏ । ନୟାଗଡ଼ର ବିଭିନ୍ନ ସ୍ଥାନରେ କରାଯାଉଥିବା ଦୁର୍ଗାପୂଜାଠାରୁ କଚେରି ବଜାର ପୂଜା ମଣ୍ଡପଠାରେ ଅନୁଷ୍ଠିତ ହେଉଥିବା ପୂଜାରେ ରହିଛି ନିଆରା ଓ ସ୍ବତନ୍ତ୍ରତା।
ଏହି ପୂଜାରେ ଲାଗୁଥିବା ଅର୍ଥ, ଚୁଲିଚାନ୍ଦା ଭାବେ ସହରରୁ ଆଦାୟ କରି ପୂଜା କରାଯାଇଥାଏ । ୧୯୬୧ ମସିହାରୁ ଆଜି ଯାଏଁ ଏହି ପ୍ରଥା ପାଳିତ ହୋଇ ଏବେ ଏହା ପରମ୍ପରାରେ ପରି ପରିଶତ ହୋଇଥିବା ଜଣାପଡ଼ିଛି। ଏହି ପରମ୍ପରାକୁ ବଞ୍ଚାଇ ରଖୁବା ପାଇଁ ସାର୍ବଜନୀନ ଦୁର୍ଗାପୂଜା ସମିତି ଲୋକଙ୍କୁ ସଚେତନ କରୁଥିବା ବେଳେ ଏଥିପାଇଁ ନୟାଗଡ଼ ବାସୀଙ୍କର ଅକୁଣ୍ଠ ଆଗ୍ରହ ଓ ସମର୍ଥନ ରହିଛି । ସଂସ୍କୃତିକୁ ବଜାୟ ରଖୁବା ପାଇଁ ସାଂସ୍କୃତିକ କାର୍ଯ୍ୟକ୍ରମରେ ପାଲା, ସଂକୀର୍ତ୍ତନ ଓ ଦାଶକାଠିଆକୁ ଗୁରୁତ୍ବ ଦିଆଯାଇଥୁବା ବେଳେ ମେଲୋଡି ମଧ୍ୟ ଆୟୋଜନ କରାଯାଇଛି ।
ତେବେ ମାଙ୍କ ପୂଜା ହେଉଥିବା ଦଶହରା ମାଙ୍କ ଦର୍ଶନ ପାଇଁ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ଦେଖିବାକୁ ମିଳିଥିଲା । ତେବେ ଦଶହରା ଦିନ ସାର୍ବଜନୀନ ଦୁର୍ଗାପୂଜା ଦିନ ମାଙ୍କ ପ୍ରସାଦ ଚରୁ ଭୋଗ ବଣ୍ଟନ ରହିଛି ସ୍ୱତନ୍ତ୍ରତା । ତେବେ ଦଶହରା ସନ୍ଧ୍ୟାରେ ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁ ପହଞ୍ଚି ମାଙ୍କ ଦର୍ଶନ ସାରି ଚରୁ ଭୋଗ ବଣ୍ଟନର ଶୁଭାରମ୍ଭ କରିଥିଲେ । ଚରୁ ପ୍ରସାଦ ପାଇବା ପାଇଁ ହଜାର ହଜାର ଶ୍ରଦ୍ଧାଳୁ ଶାନ୍ତି ଶୃଙ୍ଖଳାର ସହ ଧାଡିରେ ଠିଆ ହୋଇ ପ୍ରସାଦ ପାଇଥିଲେ ।
ବିଧାୟକଙ୍କ ସହ ରଣପୁର ପୂର୍ବତନ ବିଧାୟକ ସତ୍ୟନାରାୟଣ ପ୍ରଧାନ, ବିଜେଡ଼ି ମହିଳା ନେତ୍ରୀ ଇରାନୀ ରାୟ, ନୟାଗଡ଼ ପୌର ପରିଷଦର ପୌରଧ୍ୟକ୍ଷା ନିରୁପମା ଖଟେଇ, ଉପାଧ୍ୟକ୍ଷ ଗୁରୁପ୍ରସାଦ ଜେନା ଓ ସାର୍ବଜନୀନ ଦୁର୍ଗାପୂଜା କମିଟିର ସଦସ୍ୟମାନଙ୍କ ସହଯୋଗରେ ମାଙ୍କ ପ୍ରସାଦ ବଣ୍ଟନ କରାଯାଇଥିଲା ।
ମାଙ୍କ ଦର୍ଶନ ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଶ୍ରଦ୍ଧାଳୁ ମାନେ ପ୍ରସାଦ ପାଇବା ସହ ସାଂସ୍କୃତିକ କାର୍ଯ୍ୟକ୍ରମର ମଜ୍ଜା ଉଠାଇଥିଲେ ।
