ସାଇକ୍ଲୋନରେ ଦୃଷ୍ଟିରେ ରଖି ଶନିବାର ବିଦ୍ୟାଳୟ ଛୁଟି ଘୋଷଣା କଲେ ଜିଲ୍ଲାପାଳ

ନୟାଗଡ଼, (ଓଡ଼ିଶା ଲେଖା): ଭାରତୀୟ ପାଣିପାଗ ବିଭାର ସୂଚନାକୁ ଦୃଷ୍ଟି ରଖି ନୟାଗଡ଼ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲଙ୍କ ନିର୍ଦ୍ଦେଶ କ୍ରମେ ଜିଲ୍ଲା ଶିକ୍ଷା ବିଭାଗ ତରଫରୁ ଶନିବାର ଦିନ ବିଦ୍ୟାଳୟ ଓ ମହାବିଦ୍ୟାଳୟ ଗୁଡିକ ଛୁଟି ଘୋଷଣା କରିଥିବା ସୂଚନା ମିଳିଛି । ସୁପର ସାଇକ୍ଲୋନରେ ଶନିବାର ଦିନ ପ୍ରଚୁର ବୃଷ୍ଟିପାତ ହେବାର ସମ୍ଭାବନା ଥିବାରୁ ସମସ୍ତ ବିଦ୍ୟାଳୟ ଓ ମହାବିଦ୍ୟାଳୟ ଗୁଡିକ ବନ୍ଦ ରଖିବାକୁ କୁହାଯାଇଛି। ଏବଂ ଶିକ୍ଷକ ଶିକ୍ଷୟିତ୍ରୀ ଓ ଅଧ୍ୟାପକ ଅଧ୍ୟାପିକା ମାନେ ସେମାନଙ୍କ ଅଞ୍ଚଳର ମୁଖ୍ୟାଳୟରେ ରହିବାକୁ କଡ଼ା ନିର୍ଦ୍ଦେଶ ଜାରି କରିଛନ୍ତି ଜିଲ୍ଲାପାଳ ଶ୍ରୀଯୁକ୍ତ ଅଗ୍ରୱାଲ । ଏହା ଉପରେ ଜିଲ୍ଲା ଶିକ୍ଷାଅଧିକାରୀ ସ୍ୱତନ୍ତ୍ର ଦୃଷ୍ଟି ରଖିବାକୁ ନିର୍ଦ୍ଦେଶ ଦିଆଯାଇଥିବା ବିଶେଷ ସୂତ୍ରରୁ ଜଣାପଡିଛି ।