ନୟାଗଡ଼, (ଓଡ଼ିଶା ଲେଖା ): ନୟାଗଡ଼ ଜିଲ୍ଲା ପୋଲିସ ମୁଖ୍ୟାଳୟ ତରଫରୁ ବଡ଼ ସୂଚନା । ଆଇଆଇସି ସ୍ତରରେ ବଡ଼ ବଦଳି ହୋଇଛି । ନୟାଗଡ଼ ଟାଉନ ଥାନାକୁ ନୂତନ ଆଇଆଇସି ନିଯୁକ୍ତ କରାଯାଇଛି । ତେବେ ପୁଣି ଜଣେ ରଶ୍ମିରଂଜନ ଟାଉନ ଥାନାର ନୂତନ ଦାୟୀତ୍ୱ ନେବାକୁ ଯାଉଥିବା ସୂଚନା ମିଳିଛି । ନୟାଗଡ଼ ଟାଉନ ଥାନାରେ ପୂର୍ବରୁ ରଶ୍ମିରଂଜନ ମହାପାତ୍ର ଆଇଆଇସି ଭାବେ କାର୍ଯ୍ୟ କରି ନୟାଗଡ଼ ସହର ବାସୀଙ୍କ ହୃଦୟ ଜିଣିନେଇଥିଲେ । ପ୍ରଶଂସାର ପାତ୍ର ପାଲଟିଯାଛନ୍ତି । ଶ୍ରୀ ମହାପାତ୍ର ପଦୋନ୍ନତି ହେବା ପରେ ତାଙ୍କୁ ତାଳଚେର ଏସ୍ଡ଼ିପିଓ ଭାବେ ବଦଳି ହୋଇଥିବା ବେଳେ ନୟାଗଡ଼ ଟାଉନ ଥାନାର ଦାୟୀତ୍ୱ ବିଜୟା ସାହୁଙ୍କୁ ହସ୍ତାନ୍ତର କରାଯାଇଥିଲା । ପୋଲିସ ମୁଖ୍ୟାଳୟର ସୂଚନା ଅନୁସାରେ ନୂତନ ଭାବେ ନୟାଗଡ଼ ଜିଲ୍ଲାର ନିଯୁକ୍ତ ହୋଇଥିବା ରଶ୍ମିରଂଜନ ପ୍ରଧାନଙ୍କୁ ନୟାଗଡ଼ ଟାଉନ ଥାନାର ଦାୟୀତ୍ୱ ଦିଆଯାଇଛି । ସେହିପରି ଦଶପଲ୍ଲା ଥାନା ଅଧିକାରୀ ଥିବା ଅନିତା ସାହୁଙ୍କ ନାମରେ ଗଣ୍ଡା ଗଣ୍ଡା ଅଭିଯୋଗ ଥିବା ଯୋଗୁଁ ତାଙ୍କୁ ଜିଲ୍ଲା ମୁଖ୍ୟାଳୟକୁ ଫେରାଇ ଆଣିବାଥିବା ବେଳେ ଵାଣିଗୋଚ୍ଛା ଥାନା ଅଧିକାରୀ ଓଆଇସି ବିନୟ ରଞ୍ଜନ ପରିଡ଼ାଙ୍କୁ ଦଶପଲ୍ଲା ଥାନାର ଦାୟୀତ୍ୱ ଦିଆଯାଇଛି ।
ସେହିପରି ଜିଲ୍ଲା ପୋଲିସ ମୁଖ୍ୟାଳୟରେ କାର୍ଯ୍ୟରତ ଆଇଆଇସି ଦିଲ୍ଲୀପ କୁମାର ଧଳଙ୍କୁ ଵାଣିଗୋଚ୍ଛା ଥାନାର ଦାୟୀତ୍ୱ ଦିଆଯାଇଥିବା ବେଳେ ଶରଣକୁଳ ଥାନାର ଆଇଆଇସି ପରମାନନ୍ଦ ଦଳାଇଙ୍କୁ ପୋଲିସ ମୁଖ୍ୟାଳୟକୁ ଫେରାଇ ଅଣାଯାଇଛି । ଶରଣକୁଳ ଥାନାର ଦାୟୀତ୍ୱ ଆଇଆଇସି ସୁଜିତ କୁମାର ଦାସଙ୍କୁ ନିଯୁକ୍ତ କରାଯାଇଛି । ଏବଂ ଟାଉନ ଥାନାରେ କାର୍ଯ୍ୟରତ ଥିବା ବିଜୟା ସାହୁଙ୍କର ପୂର୍ବରୁ ବୁର୍ଲାକୁ ବଦଳି ହୋଇଥିଲା, ତେଣୁ ପବିତ୍ର ବିଶ୍ୱକର୍ମା ପୂଜାରେ ତାଙ୍କୁ ନୟାଗଡ଼ ଜିଲ୍ଲା ପୋଲିସରୁ ରିଲିଭି କରିଛନ୍ତି ନୟାଗଡ଼ ଆରକ୍ଷୀ ଅଧିକ୍ଷକ ଏସ ସୁଶ୍ର ।
