ଭୁବନେଶ୍ୱର, (ଓଡ଼ିଶା ଲେଖା): ଓଡ଼ିଶା ସମେତ ୬ଟି ରାଜ୍ୟର ରାଜ୍ୟପାଳ ପଦରେ ଅଦଳବଦଳ କରାଯାଇଛି। ସୋମବାର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ନିଯୁକ୍ତି ଓ ବଦଳି ସମ୍ପର୍କିତ ଘୋଷଣା କରିଛନ୍ତି। ଏହି କ୍ରମରେ ଝାଡ଼ଖଣ୍ଡର ବରିଷ୍ଠ ବିଜେପି ନେତା ବ୍ରଜମୋହନ ରାମଙ୍କୁ ଓଡ଼ିଶାର ନୂଆ ରାଜ୍ୟପାଳ ଭାବେ ନିଯୁକ୍ତ କରାଯାଇଛି। ବର୍ତ୍ତମାନ ଓଡ଼ିଶାର ରାଜ୍ୟପାଳ ଥିବା ଡଃ ହରି ବାବୁ କମ୍ଭମପାଟିଙ୍କ ସ୍ଥାନରେ ବ୍ରଜମୋହନ ରାମ ଦାୟିତ୍ୱ ଗ୍ରହଣ କରିବେ। ତେବେ ନୂଆ ରାଜ୍ୟପାଳଙ୍କ ଦାୟିତ୍ୱ ଗ୍ରହଣ ତାରିଖ ସମ୍ପର୍କରେ ଘୋଷଣାରେ ସ୍ପଷ୍ଟ କରାଯାଇନାହିଁ। ନିଜ ନିଜ ପଦରେ ଦାୟିତ୍ୱ ଗ୍ରହଣ କରିବା ଦିନଠାରୁ ଏହି ନିଯୁକ୍ତିଗୁଡ଼ିକ କାର୍ଯ୍ୟକାରୀ ହେବ।vଏହି ରାଜ୍ୟପାଳ ଅଦଳବଦଳରେ କେରଳର ରାଜ୍ୟପାଳ ରାଜେନ୍ଦ୍ର ବିଶ୍ୱନାଥ ଆର୍ଲେକରଙ୍କୁ ତାମିଲନାଡୁର ରାଜ୍ୟପାଳ ଭାବେ ନିଯୁକ୍ତ କରାଯାଇଛି। ସିକ୍କିମର ରାଜ୍ୟପାଳ ଓମ୍ ପ୍ରକାଶ ମାଥୁରଙ୍କୁ କେରଳର ରାଜ୍ୟପାଳ ଦାୟିତ୍ୱ ଦିଆଯାଇଥିବା ବେଳେ ଦୁଷ୍ୟନ୍ତ ଗୌତମଙ୍କୁ ସିକ୍କିମର ରାଜ୍ୟପାଳ କରାଯାଇଛି। ସେହିପରି ଡଃ ସୁଧା ଯାଦବଙ୍କୁ କର୍ଣ୍ଣାଟକ ଏବଂ ଡଃ ଦଳ ସିଂ ବିସେନଙ୍କୁ ଉତ୍ତରାଖଣ୍ଡର ରାଜ୍ୟପାଳ ଭାବେ ନିଯୁକ୍ତି ମିଳିଛି। ରାଷ୍ଟ୍ରପତିଙ୍କ ଏହି ଘୋଷଣା ପରେ ଓଡ଼ିଶାର ନୂଆ ରାଜ୍ୟପାଳଙ୍କ ଦାୟିତ୍ୱ ଗ୍ରହଣ ଓ ପରବର୍ତ୍ତୀ ପ୍ରଶାସନିକ ପ୍ରକ୍ରିୟା ଉପରେ ନଜର ରହିଛି।
ବଦଳିଲେ ଓଡ଼ିଶା ସମେତ ୬ଟି ରାଜ୍ୟର ରାଜ୍ୟପାଳ:ବ୍ରଜମୋହନ ରାମଙ୍କୁ ଓଡ଼ିଶା ରାଜ୍ୟର ନୂଆ ଦାୟିତ୍ୱ
