ଭୁବନେଶ୍ୱର, (ଓଡ଼ିଶା ଲେଖା): ସେପ୍ଟେମ୍ବର 16ରେ ବସିବ ସର୍ବଦଳୀୟ ବୈଠକ । ମୌସୁମୀ ଅଧିବେଶନକୁ ସୁରୁଖୁରୁରେ ଚଳାଇବା ପାଇଁ 16ତାରିଖ ଦିନ ବାଚସ୍ପତିଙ୍କ ଅଧ୍ୟକ୍ଷତାରେ ସର୍ବଦଳୀୟ ବୈଠକ ବସିବ । ଏହି ବୈଠକରେ କିପରି ଶାନ୍ତି ଶୃଙ୍ଖଳାର ସହ ମୌସୁମୀ ଅଧିବେଶନ ଚାଲିବ ସେ ନେଇ ଆଲୋଚନା ହେବ । ସେପ୍ଟେମ୍ବର 18ତାରିଖରୁ 25ତାରିଖ ପର୍ଯ୍ୟନ୍ତ ମୌସୁମୀ ଅଧିବେଶନ ଚାଲିବ । ବିଧାନସଭାରେ 7ଟି କାର୍ଯ୍ୟ ଦିବସ ରହିଥିବା ବେଳେ ବିଭାଗୀୟ ସଚିବ ମାନଙ୍କ ପାଇଁ ନିର୍ଦ୍ଦେଶନାମା ଜାରି ହୋଇଛି । ମୁଖ୍ୟ ଶାସନ ସଚିବ ବିଧାନସଭାରେ ଉତଥାପନ ପ୍ରସଙ୍ଗର ସମସ୍ତ ଉତ୍ତର ଠିକ ଭାବେ ଦେବାକୁ କୁହାଯାଇଛି । ବ୍ୟକ୍ତିଗତ ଧ୍ୟାନ ଦେବା ସହ ଅଫିସର ମାନଙ୍କୁ ନିର୍ଦ୍ଦେଶ ଦିଆଯାଇଛି । ବିଭିନ୍ନ ବିଭାଗର ସଚିବ ମାନେ ବିଦେଶ ଯାତ୍ରାରୁ ନିବୃତ ରହିବା ପାଇଁ କଡ଼ା ନିର୍ଦ୍ଦେଶ ରହିଛି । ରାଜ୍ୟ ବାହାରକୁ ଗସ୍ତ କରିବା ଯଥା ସମ୍ଭବ ସମିତି କରିବାକୁ କୁହାଯାଇଛି ।
