ଓଡ଼ିଶା ଲେଖା ଅଫିସ: ଶରଣକୁଳ ଅଞ୍ଚଳକୁ ନୂତନ ବିଜ୍ଞାପିତ ଅଞ୍ଚଳ(ଏନଏସି) କରିବା ପାଇଁ ବିଭାଗୀୟ ମନ୍ତ୍ରୀଙ୍କୁ ଚିଠି ଲେଖିଛନ୍ତି ବାଚସ୍ପତି । ତତ୍କାଳୀନ ସରକାର କଣ୍ଟିଲୋ ଓ ଶରଣକୁଳ ଅଞ୍ଚଳକୁ ନୂତନ ଏନଏସି ଗଠନ କରିବାକୁ ଘୋଷଣା କରିଥିବା ବେଳେ ବର୍ତ୍ତମାନର ସରକାର କଣ୍ଟିଲୋ ଓ ଶରଣକୁଳ ଅଞ୍ଚଳକୁ ବାଦ ଦେଇ ରାଜ୍ୟର ଅନ୍ୟ ସ୍ଥାନରେ 20ରୁ ଉର୍ଦ୍ଧ୍ୱ ନୂତନ ଏନଏସି କରାଯିବା ପାଇଁ ଘୋଷଣା କରିଛନ୍ତି । ତେଣୁ ଏହାକୁ କଣ୍ଟିଲୋ ଓ ଶରଣକୁଳ ଅଞ୍ଚଳର ସ୍ଥାନୀୟ ବାସିନ୍ଦା ମାନେ ଆନ୍ଦୋଳନ ପନ୍ଥା ଆପଣେଇଛନ୍ତି । ନୂତନ ଏନଏସି ଗଠନରେ ନୟାଗଡ଼ ଜିଲ୍ଲାର ଗୋଟିଏ ହେଲେ ନା ନଥିବାରୁ ରାଜ୍ୟ ସରକାରଙ୍କୁ ନିନ୍ଦା କରିଛନ୍ତି । ଶରଣକୁଳ ବାସିନ୍ଦାଙ୍କ ହିତ ସାଧନ ତଥା ଅଞ୍ଚଳର ସାମଗ୍ରିକ ବିକାଶ ପାଇଁ ଏହାକୁ ବିଜ୍ଞାପିତ ଅଞ୍ଚଳ ପରିଷଦ(ଏନଏସି)ର ମାନ୍ୟତା ପ୍ରଦାନ ନିମନ୍ତେଓଡ଼ିଶାର ବାଚସ୍ପତି ତଥା ରଣପୁର ନିର୍ବାଚନ ମଣ୍ଡଳୀର ବିଧାୟିକା ସୁରମା ପାଢ଼ୀ ବିଭାଗୀୟ ଗୃହନିର୍ମାଣ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ରଙ୍କୁ ଚଳିତ ମାସ 1ତାରିଖରେ ଚିଠି ଲେଖିଛନ୍ତି ବୋଲି ଚିଠି ସହ ସୋସିଆଲ ମିଡ଼ିଆରେ ଅପଲୋଡ଼ ହୋଇଥିବା ଜଣାପଡିଛି। ଏହି ଚିଠି କୁ ପୁନଃ ବିଚାର କରି ଶରଣକୁଳ ଅଞ୍ଚଳକୁ ଏନଏସି ଘୋଷଣା କରାଗଲେ ସ୍ଥାନୀୟ ଅଞ୍ଚଳରେ ବିକାଶର ଅଗ୍ରଗତି ହୋଇପାରିବ।
