ନୟାଗଡ଼, (ଓଡ଼ିଶା ଲେଖା): ଖାଲ ଖମା ରାସ୍ତା । ଘଟୁଛି ଦୁର୍ଘଟଣା, ଜାଣି ଅଜଣା ସରପଞ୍ଚ। ନିରବଦ୍ରଷ୍ଟା ସାଜିଛି ପ୍ରଶାସନ। ଏଭଳି ପରିସ୍ଥିତି ଭିତରେ ତ୍ରାହି ତ୍ରାହି ଡାକୁଛି ସିନ୍ଦୁରିଆ-ଷ୍ଟେସନ ରୋଡ଼ । ସୂଚନାନୁସାରେ, ନୟାଗଡ଼ ସଦର ବ୍ଲକ ସିନ୍ଦୁରିଆ 57-ଜାତୀୟ ରାଜପଥ ଠାରୁ ମଙ୍ଗଳା ଛକ ଦେଇ ନୟାଗଡ଼ ଟାଉନ ଷ୍ଟେସନକୁ ଦୁଇ କି.ମି ସିଧା ରାସ୍ତା ପଡିଛି । ସେଥିରୁ ଏକ କି.ମି ରାସ୍ତା ଅଣ ଓସାରିଆ ରାସ୍ତା ହୋଇଥିବା ବେଳେ ବଡ଼ ବଡ଼ ଖାଲ ଖମାରେ ପରିପୂର୍ଣ ହୋଇଥିବା ଦେଖିବାକୁ ମିଳିଛି । ସିନ୍ଦୁରିଆ, ଦେଉଳପଲ୍ଲୀ ଗ୍ରାମ ସହ ନୟାଗଡ଼ ପୌର ପରିଷଦ ଅଞ୍ଚଳର ବହୁ ଜନସାଧାରଣ ଉକ୍ତ ରାସ୍ତା ଉପରେ ନିର୍ଭରଶୀଳ । କିନ୍ତୁ ବଡ଼ ବଡ଼ ଖାଲ ଖମା ହୋଇଥିବାରୁ ପ୍ରତ୍ୟେକ ଦିନ କିଛି କିଛି ଦୁର୍ଘଟଣା ଘଟୁଥିବା ନେଇ ଅଭିଯୋଗ ଆସିଛି । କିନ୍ତୁ ସିନ୍ଦୁରିଆ ସରପଞ୍ଚ ଏଥି ପ୍ରତି ଧ୍ୟାନ ଦେଉନଥିବା ଜଣାପଡିଛି । ଦହଗଞ୍ଜ ହେଉଛନ୍ତି ହଜାର ହଜାର ଜନସାଧାରଣ । ତେଣୁ ସ୍ଥାନୀୟ ସରପଞ୍ଚ ଏଥି ପ୍ରତି ଦୃଷ୍ଟି ତୁରନ୍ତ ମରାମତି କାର୍ଯ୍ୟ କରିବା ସହ ବ୍ଲକ ଅଧିକାରୀଙ୍କ ଦୃଷ୍ଟି ଗୋଚର କରନ୍ତୁ ବୋଲି ବୁଦ୍ଧିଜୀବୀ ମାନେ ମତ ବ୍ୟକ୍ତ କରିଛନ୍ତି ।
