ନୟାଗଡ଼, (ଓଡ଼ିଶା ଲେଖା): ନୟାଗଡ଼ ସ୍ଥିତ ପୂର୍ତ୍ତ ବିଭାଗ ଡାକ ବଙ୍ଗଳା ଠାରେ ପୂର୍ବତନ ବ୍ଲକ କଂଗ୍ରେସ୍ ସଭାପତି ଫକୀର ଚରଣ ମଲ୍ଲଙ୍କ ଅଧ୍ୟକ୍ଷତାରେ ସଭା ଅନୁଷ୍ଠିତ ହୋଇଯାଇଛି।ଓଡିଶା ପ୍ରଦେଶ କଂଗ୍ରେସ ପର୍ଯ୍ୟବେକ୍ଷକ ଅଖିଳ ଭାରତ କଂଗ୍ରେସ କମିଟି କିସାନ୍ କଂଗ୍ରେସ୍ ଜାତୀୟ ସଂଯୋଜକ ଅମିୟ ପଟ୍ଟନାୟକ ଯୋଗଦେଇ ନୟାଗଡ ବ୍ଲକ କଂଗ୍ରେସ ସଂଗଠନକୁ କ୍ରିୟାସିଳ କରିବା ପାଇଁ ଉପସ୍ଥିତ କଂଗ୍ରେସ କାର୍ଯ୍ୟକର୍ତ୍ତାଙ୍କୁ ଗୁରୁମନ୍ତ୍ର ପ୍ରଦାନ କରିଥିଲେ। ଆଗାମୀ ଦିନରେ ଜିଲ୍ଲାର ବରିଷ୍ଠ ନେତୃମଣ୍ଡଳୀ ଗ୍ରାମ ପଂଚାୟତକୁ ଯାଇ ସଂଗଠନକୁ କ୍ରିୟାଶୀଳ କରିବାପାଇଁ ଉପସ୍ଥିତ କାର୍ଯ୍ୟ କାର୍ଯ୍ୟକର୍ତାଙ୍କୁ ଆହ୍ୱାନ କରିଥିଲେ l ନୟାଗଡ଼ ଜିଲ୍ଲା କଂଗ୍ରେସ କମିଟି ସଭାପତି ସତ୍ୟବ୍ରତ ନାୟକ ଯୋଗଦେଇ ଆଗାମୀ ଦିନରେ ନୟାଗଡ ବ୍ଲକ କଂଗ୍ରେସର କର୍ମକର୍ତ୍ତା ଏକତ୍ରିତ ହୋଇ କେନ୍ଦ୍ରର ବିଜେପି ସରକାର ଓ ଓଡ଼ିଶାର ମୋହନ ସରକାର ୧୧ ମାସ ଶାସରେ କେବଳ ପ୍ରତାରଣା, ବର୍ତମାନ ଚାଷକାର୍ଯ୍ୟ ପାଈଁ ସାରର ଆବଶ୍ୟକତା ଥିଲାବେଳେ ଚାଷୀକୁ ସରକାର ଙ୍କ ଦ୍ଵାରା ସମବାୟ ସଂସ୍ଥା ମାନଙ୍କରେ ଆବଶ୍ୟକ ସାର ରିହାତି ଦରରେ ଉପଲବ୍ଧ ନହେବା ଫଳରେ ଚାଷୀ ଅସୁବିଧାର ସମ୍ମୁଖୀନ ହେଉଛନ୍ତି l ସେମାନେ ଚଢ଼ାଦରରେ କଳାବଜାରୀଙ୍କ ଠାରୁ କିଣୁଛନ୍ତି l ତୁରନ୍ତ ସରକାର ରିହାତି ଦରରେ ଚାଷୀଙ୍କୁ ସାର ଯୋଗେଇ ଦିଅନ୍ତୁ ଜିଲ୍ଲା ଶ୍ରମ କାର୍ଯ୍ୟାଳୟରେ ନିର୍ମାଣ ଶ୍ରମିକଙ୍କ ବର୍ଷ ବର୍ଷ ଧରି ମୃତୁ କାଳୀନ ସହାୟତା, ବିବାହ ସହାୟତା,ପିଲାମାନଙ୍କ ଶିକ୍ଷା ସହାୟତା ପଡ଼ିରହିଛି, ତୁରନ୍ତ ସେମାନଙ୍କ ସହାୟତ ପ୍ରଦାନପାଇଁ ଶ୍ରମ ଅଧିକାରୀ କାର୍ଯ୍ୟ କରନ୍ତୁ ଓ ଗ୍ରାମ୍ୟ ଉନ୍ନୟନ ବିଭାଗରେ ହଉଥିବା ଦୁର୍ନୀତି ବିରୋଧରେ ଓ ପ୍ରଶାସନ ସ୍ଥାଣୁତା ବିରୋଧରେ ନୟାଗଡ ଜିଲ୍ଲା କଂଗ୍ରେସ ଆଗାମୀ ଦିନରେ ବ୍ୟାପକ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିବ। ଆଜି ଏହି ସାଙ୍ଗଠନିକ ବୈଠକରେ ସଂଗଠନକୁ କ୍ରିୟାଶୀଳ ଓ ସୁସଂଗଠିତ କରିବାପାଇଁ ଉପସ୍ଥିତ ନେତୃମଣ୍ଡଳୀ ମତାମତ ପ୍ରଦାନ କରିଥିଲେ l ଖୁବଶୀଘ୍ର ବ୍ଲକ କଂଗ୍ରେସ କମିଟି ସଭାପତି ଚୟନ ପାଇଁ ଦୀନଧାର୍ଯ୍ୟ କରାଯିବ ଓ ବିଭିନ୍ନ ବର୍ଗର କାର୍ଯ୍ୟକର୍ତ୍ତାଙ୍କ ଠାରୁ ମତାମତ ଗ୍ରହଣ କରାଯିବାପାଇଁ ଏହି ବୈଠକ ରେ ସ୍ଥିର କରାଗଲା। ଏହି ବୈଠକରେ ପୂର୍ବତନ ସଭାପତି ରଣଜିତ ଦାଶ, ବରିଷ୍ଟ ନେତା ହୁସେନ ଖାନ, ମନୋଜ ସାହୁ, ଲଷ୍ମୀଧର ତ୍ରିପାଠୀ, ନାଥ ବରାଡ଼, ପୀତବାଶ ଖୁଣ୍ଟିଆ, ଶିବରଞ୍ଜନ ସାହୁ, କୁଲେଶ ମହାନ୍ତି, ପୂର୍ଣଚନ୍ଦ୍ର ସାନ୍ତା, ଦିଗାମ୍ବର ବେହେରା, ପ୍ରଦୁମ୍ନ ସାହୁ, ନବ କିଶୋରେ ସାଠୁଆ, ଅମ୍ଲାନ ଅଂଶୁମାନ ସାହୁ ପ୍ରମୁଖ ବହୁ କଂଗ୍ରେସ୍ କାର୍ଯ୍ୟକର୍ତ୍ତା ଯୋଗଦେଇଥିଲେ। ବରିଷ୍ଠ ସେବାଦଳ କାର୍ଯ୍ୟକର୍ତା ବିଜୟ ଓଝା ଧନ୍ୟବାଦ ଅର୍ପଣ କରିଥିଲେ l
