ଡ଼କ୍ଟର ସିପି ରାଧାକୃଷ୍ଣନ ହେଲେ ଏନଡିଏର ଉପ ରାଷ୍ଟ୍ରପତି ପ୍ରାର୍ଥୀ

ଓଡ଼ିଶା ଲେଖା ଅଫିସ:ସବୁ କଳ୍ପନା ଜଳ୍ପନା ଅନ୍ତ ଘଟିଲା। ଏନଡିଏ ତାର ଉପ ରାଷ୍ଟ୍ରପତି ପ୍ରାର୍ଥୀର ନାମ ଘୋଷଣା କରିଛି।ତାମିଲନାଡୁ ରାଜ୍ୟର ପୂର୍ବତନ ବିଜେପି ସଭାପତି ତଥା ବର୍ତ୍ତମାନ ମହାରାଷ୍ଟ୍ର ରାଜ୍ୟର ରାଜ୍ୟପାଳ ଡ଼କ୍ଟର ସିପି ରାଧାକୃଷ୍ଣନଙ୍କୁ ଉପ ରାଷ୍ଟ୍ରପତି ପ୍ରାର୍ଥୀ କରିଛି ଏନଡିଏ। ଭାରତୀୟ ନିର୍ବାଚନ କମିଶନ ଖାଲି ପଡ଼ିଥିବା ଉପ ରାଷ୍ଟ୍ରପତି ପଦ ପାଇଁ ସେପ୍ଟେମ୍ବର 9 ତାରିଖରେ ଭୋଟିଂ ହେବ ବୋଲି ବିଜ୍ଞପ୍ତି ପ୍ରକାଶ କରିଛନ୍ତି। ଚଳିତ ବର୍ଷ ସେପ୍ଟେମ୍ବର 9 ତାରିଖରେ ଉପ ରାଷ୍ଟ୍ରପତି ନିର୍ବାଚନ ହେବାକୁ ନେଇ ଅଗଷ୍ଟ 7ରେ ବିଜ୍ଞପ୍ତି ପ୍ରକାଶ ପାଇଛି । ଅଗଷ୍ଟ 21 ନାମାଙ୍କନ ଦାଖଲ କରିବାର ଶେଷ ତାରିଖ ଥିବା ବେଳେ ଅଗଷ୍ଟ 22ରେ ପ୍ରାର୍ଥୀପତ୍ର ଯାଞ୍ଚ ହେବ ଏବଂ ଅଗଷ୍ଟ 25ରେ ପ୍ରତ୍ୟାହାର କରିବାର ଶେଷ ତାରିଖ ରହିଛି । ଶେଷରେ ସେପ୍ଟେମ୍ବର 9ତାରିଖରେ ଉପ ରାଷ୍ଟ୍ରପତି ମୁକୁଟ ପାଇଁ ଭୋଟିଂ ହେବ ବୋଲି ବିଜ୍ଞପ୍ତିରୁ ଜଣାପଡିଛି।