ନୟାଗଡ଼, (ଓଡ଼ିଶା ଲେଖା): ଆସନ୍ତାକାଲି ଏପ୍ରିଲ୍ ୧୧ତାରିଖ। ବିଶ୍ବ ପାଳିବ ବିଶ୍ବ ଛେନାପୋଡ଼ ଦିବସ। ପଲ୍ଲୀରୁ ଦିଲ୍ଲୀ ଓ ଦିଲ୍ଲୀରୁ ବିଭିନ୍ନ ଦେଶରେ ବିଶ୍ବ ଛେନାପୋଡ଼ ଦିବସ କୁ ଯାକ ଜମକରେ ପାଳନ କରିବାକୁ ଚାଲିଛି ପ୍ରସ୍ତୁତି। ସୁସ୍ଵାଦ ମିଷ୍ଠାନ ଛେନାପୋଡ଼ର ସ୍ରଷ୍ଟା ସ୍ୱର୍ଗତ ସୁଦର୍ଶନ ସାହୁଙ୍କ ଜନ୍ମ ଦିନ ଏପ୍ରିଲ୍ ୧୧ତାରିଖକୁ ବିଶ୍ବ ଛେନାପୋଡ଼ ଦିବସ ଦୀର୍ଘ ୪ବର୍ଷ ଧରି ପାଳନ କରାଯାଉଛି। ଏବଂ ନୟାଗଡ଼ ଜିଲ୍ଲାରେ ଏପ୍ରିଲ୍ ୧୧ ତାରିଖକୁ ସରକାରୀ ସ୍ତରରେ ମଧ୍ୟ ଖୁବ୍ ଧୁମ୍ ଧାମରେ ପାଳନ କରାଯାଉଛି। ତେବେ ନୟାଗଡ଼ର ଏହି ସୁସ୍ଵାଦ ମିଷ୍ଠାନ ଛେନାପୋଡ଼ କୁ ଭୌଗଳିକ ମାନ୍ୟତା ତଥା ଜିଆଇ ଟ୍ୟାଗ ମାନ୍ୟତା ଦୀର୍ଘ ଦିନ ଧରି ଦାବି ହେଇ ଆସୁଛି । ଏନେଇ କଚେରୀ ବଜାର ବ୍ୟବସାୟୀ ସଂଘର ସଭାପତି ପ୍ରଭାତ କୁମାର ଷଡ଼ଙ୍ଗୀ, ଉପ ସଭାପତି ସୁନୀଲ କୁମାର ଶତପଥୀ, ସଂପାଦକ ରଘୁନାଥ ସାହୁ, କୋଷାଧ୍ୟକ୍ଷ ପ୍ରକାଶ କୁମାର ଡୋରାଙ୍କ ସହ ସଂଘର ବହୁ ସଦସ୍ୟ ଏକାଠି ହୋଇ ନୟାଗଡ଼ ଜିଲ୍ଲାପାଳ ମଧୁମିତା ରଥଙ୍କୁ ସାକ୍ଷାତ କରି ନୟାଗଡ଼ର ଗର୍ବ, ଗୌରବ ମିଷ୍ଠାନ ଦରବ ଛେନାପୋଡ଼ ର ସ୍ରଷ୍ଟା ସ୍ୱର୍ଗତ ସୁଦର୍ଶନ ସାହୁ ଜନ୍ମ ଦିବସକୁ ବିଶ୍ବ ଛେନାପୋଡ଼ ଦିବସ ପାଳନ କରିବା ସହ ଜିଆଇ ଟ୍ୟାଗ କିପରି ଶୀଘ୍ର ମିଳିବ ସେ ନେଇ ଆଲୋଚନା କରିଥିଲେ। ଏନେଇ ନୟାଗଡ଼ ଜିଲ୍ଲାପାଳ ଶ୍ରୀମତୀ ରଥଙ୍କ ଜରିଆରେ ସୁକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗ (ଏମଏସଏମଇ) ମନ୍ତ୍ରୀଙ୍କୁ ଏକ ସ୍ମାରକ ପତ୍ର ପ୍ରଦାନ କରାଯାଇଛି। ତେବେ ଏପ୍ରିଲ ୧୧ତାରିଖକୁ ବିଶ୍ୱବାସୀ ବିଶ୍ବ ଛେନାପୋଡ଼ ଦିବସ ପାଳନ କରିଆସୁଥିବା ବେଳେ କିଛି ବିଶ୍ୱାସଘାତକ, ଖଳ ପ୍ରକୃତିର ଲୋକ ଏହି ଦିବସକୁ ଭଣ୍ଡୁର କରିବାକୁ ପ୍ରୟାସ ଆରମ୍ଭ କରିଛନ୍ତି। ଆମେ ହେତୁ ପାଇବା ଦିନ ଠାରୁ ନୟାଗଡ଼ ଛେନାପୋଡ଼ ର ସ୍ରଷ୍ଟା ସୁଦର୍ଶନ ସାହୁ ବୋଲି ଜାଣିବାକୁ ପାଇଥିଲୁ। ଏହାକୁ ମଧ୍ୟ ଯେଉଁ ମାନେ ଆଜି ବିରୋଧ କରୁଛନ୍ତି, ସେମାନେ ମଧ୍ଯ ବିଗତ ଦିନରେ ଛେନାପୋଡ଼ ର ସ୍ରଷ୍ଟା କହିଆସୁଥିଲେ। ଏବଂ ସେମାନଙ୍କ ବୟସ ଯେହେତୁ ଆମ ଠାରୁ ଅଧିକ ସେମାନଙ୍କ ଠାରୁ ହିଁ ଜାଣିଛୁ ଛେନାପୋଡ଼ ର ସ୍ରଷ୍ଟା ସ୍ୱର୍ଗତ ସୁଦର୍ଶନ ସାହୁ।
ତେବେ ଆଜି କୌଣସି କାରଣ ହେଉ ବା ବ୍ୟକ୍ତିଗତ ସମସ୍ୟା ଯୋଗୁଁ ବିରୋଧ ବିଷ ମଞ୍ଜି ବୁଣିବାରେ ଲାଗିଛନ୍ତି। ତେବେ ସେମାନଙ୍କୁ ଗୋଟିଏ ପ୍ରଶ୍ନ ଯେ, ବିଶ୍ୱ ଛେନାପୋଡ଼ ଦିବସ ଦୀର୍ଘ ୪ବର୍ଷ ହେଲା ପାଳନ କରିଆସୁଥିବା ବେଳେ ଚଳିତ ବର୍ଷ ଅର୍ଥାତ୍ କାଲି ୫ବର୍ଷ ପୂର୍ତ୍ତି ପାଳନ କରିବାକୁ ପ୍ରସ୍ତୁତି ସରିଛି କିନ୍ତୁ କୁଚକ୍ରି ମାନେ ଏହି ତିନି ବର୍ଷ ଯେଉଁ ପାଳନ ହେଉଥିଲା ଆପଣ ମାନେ କେଉଁଠି ଥିଲେ ବୋଲି ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି। ଯଦି ବିରୋଧ କରୁଛନ୍ତି ଏବଂ ବାପ ପୁଅ ବଞ୍ଚିଥିବା ବେଳେ ତ କିଛି କରିପାରିଲନି, ସେ ସ୍ୱର୍ଗବାସୀ ହେବା ପରେ କେଉଁଠୁ ବୁଦ୍ଧି ଆସିଲା ? ଯଦି ଡିସେମ୍ବର ୩୧ ବିଦ୍ୟାଧର ସାହୁ ମୃତ୍ୟୁ ଦିବସକୁ କାହିଁକି ବିଶ୍ୱ ଛେନାପୋଡ଼ ଦିବସ ପାଳନ କରୁଛ କାହିଁ ତାଙ୍କ ଜନ୍ମ ଦିବସକୁ କାହିଁକି ପାଳନ କରୁନ ବୋଲି ମଧ୍ୟ ବୁଦ୍ଧିଜିବୀ ମହଲରେ ପ୍ରଶ୍ନବଚୀ ଉଙ୍କି ମାରିଛି। ନା ସ୍ୱର୍ଗତ ବିଦ୍ୟାଧର ସାହୁଙ୍କ ଜନ୍ମ ତିଥି ଆପଣ ମାନଙ୍କ ପାଖରେ ନାହିଁ ଯାହାଫଳରେ ମୃତ୍ୟୁ ଦିବସକୁ ବିଶ୍ବ ଛେନାପୋଡ଼ ଦିବସ ପାଳନ କରୁଛ ବୋଲି ସନ୍ଦେହ ଉପୁଜିଛି।ତେଣୁ ସେମାନଙ୍କ ଠାରୁ ନିବୃତ୍ତ ରହି ଏପ୍ରିଲ୍ ୧୧ତାରିଖକୁ ବିଶ୍ଵ ଛେନାପୋଡ଼ ଦିବସ ପାଳନ କରିବାକୁ ଦେଶବାସୀଙ୍କୁ ନୟାଗଡ଼ ଜିଲ୍ଲାର ଜନସାଧାରଣ ଅନୁରୋଧ କରିଛନ୍ତି। ଆସନ୍ତୁ ସମସ୍ତେ ଏକାଠି ହେବା ଏବଂ ଆମ ନୟାଗଡ଼ର ଦରବ ଛେନାପୋଡ଼ ର ସ୍ରଷ୍ଟାଙ୍କ ଜନ୍ମଦିବସ ଏପ୍ରିଲ୍ ୧୧କୁ ବିଶ୍ୱ ଛେନାପୋଡ଼ ଦିବସ ପାଳନ କରିବା।
