ଓଡ଼ିଶା ଲେଖା ଅଫିସ୍: ରୋମାଞ୍ଚକର ବିଜୟୀ ମ୍ୟାଚ୍। ଭାରତ ୭ରନରେ ବିଜୟୀ ହେବା ସହ ଫାଇନାଲରେ ପ୍ରବେଶ କରିଛି। ଭାରତ-ଇଂଲଣ୍ଡ ମଧ୍ୟରେ ଦ୍ୱିତୀୟ ସେମିଫାନାଲ ମୁମ୍ବାଇର ୱାଖେଡେ ଷ୍ଟାଡିୟମ୍ ଅନୁଷ୍ଠିତ ହୋଇଯାଇଛି। ଇଂଲଣ୍ଡ ଟସ୍ ଜିତି ଫିଲଡିଂ କରିବାର ନିଷ୍ପତ୍ତି ନେଇ ଭାରତୀୟ ଦଳକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା। ତେବେ ଭାରତ ଖେଳାଳୀ ମାନେ ପ୍ରଥମରୁ ଧୂଆଁ ଧାର ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୭ଟି ୱିକେଟ୍ ହରାଇ ୨୫୩ ରନ କରିବାରେ ସକ୍ଷମ ହୋଇଥିଲା। ଭାରତ ପକ୍ଷରୁ ସଞ୍ଜୁ ସାମସନ୍ ୪୨ଟି ବଲ ସମ୍ମୁଖିନ ହୋଇ ୭ଟି ଚ୍ଛକା ଓ ୮ଟି ଚୌକା ସହାୟତାରେ ୮୯ ରନ କରି ଆଉଟ୍ ହୋଇଥିଲେ। ତେବେ ସିଭମ ଦୁବେ ୪୩, ଇଶାନ କିଶାନ ୩୯, ହାର୍ଦିକ ପାଣ୍ଡ୍ୟା ୨୭ ଓ ତିଲକ୍ ବର୍ମା ୨୧ ରନ କରିଥିଲେ। ଇଂଲଣ୍ଡର ବୋଲର ଜ୍ୟାକ୍ସ ଓ ରସିଦ୍ ୨ଟି ଲେଖାଏଁ ୱିକେଟ୍ ନେଇଥିବା ବେଳେ ଆଚାର ଗୋଟିଏ ୱକେଟ୍ ନେଇଥିଲେ।
୨୫୪ ରନର ବିଜୟ ଲକ୍ଷ ନେଇ ଇଂଲଣ୍ଡ ପଡ଼ିଆକୁ ଓହ୍ଲାଇଥିଲା। ତେବେ ଧୂଆଁ ଧାର ବ୍ୟାଟିଂ ମଧ୍ୟ ଜାରି କରିବା ସହ ଆଜିର ଖେଳକୁ ସଂଘର୍ଷ ମୟ ଦେଖିବାକୁ ମିଳିଥିଲା। ଇଂଲଣ୍ଡ ବ୍ୟାଟିଂ କରି ୭ଟି ୱିକେଟ୍ ହରାଇ ୨୪୬ ରନରେ ପହଞ୍ଚିଥିଲା ଏବଂ ଭାରତ ଠାରୁ ମାତ୍ର ୭ରନରେ ପରାସ୍ତ ହୋଇଥିଲା ଇଂଲଣ୍ଡ। ବେଥଲି ୪୮ଟି ବଲରେ ୭ଟି ଛକା ଓ ୮ଟି ଚୌକା ସହାୟତାରେ ୧୦୫ ରନ କରି ଶତକୀୟ ଇନିସ୍ ଖେଳି ରନ୍ ଆଉଟ୍ ହୋଇ ପ୍ୟଭେଲିୟନ୍ ଫେରିଥିଲେ। ଦଳ ତରଫରୁ ଜ୍ୟାକ୍ସ ୩୫, ବଟଲର୍ ୨୫ ରନ କରିଥିବା ବେଳେ ଭାରତର ବୋଲର ହାର୍ଦ୍ଦିକ ପାଣ୍ଡ୍ୟା ୨ଟି ୱିକେଟ୍ ନେଇଥିବା ବେଳେ ଆର୍ସିଦିପ ସିଂ, ଜସପ୍ରିତ୍ ବୁମରାହା, ବରୁନ ଚକ୍ରବର୍ତ୍ତୀ ଓ ଅକ୍ଷର ପଟେଲ ଗୋଟିଏ ଲେଖାଏଁ ୱିକେଟ୍ ନେଇଥିଲେ।
ତେବେ ଭାରତ ଆଜିର ମ୍ୟାଚକୁ ଇଂଲଣ୍ଡ ଦଳକୁ ୭ରନ୍ ରେ ପରାସ୍ତ କରି ଫାଇନାଲରେ ପ୍ରବେଶ କରିଛି। ଆଜିର ମ୍ୟାଚରେ ସଞ୍ଜୁ ସାମସନ୍ ମ୍ୟାନ ଅଫ୍ ଦ ମ୍ୟାଚ୍ ବିବେଚିତ ହୋଇ ପୁରସ୍କୃତ ହୋଇଛନ୍ତି। ଭାରତ ଏହି ମ୍ୟାଚ୍ ଜିତି ଫାଇନାଲରେ ନ୍ୟୁିଜଲାଣ୍ଡକୁ ଭେଟିବ। ଆସନ୍ତା ୮ତାରିଖ ରବିବାର ବିଶ୍ବକପ୍ ଫାଇନାଲ ମ୍ୟାଚ୍ ହେବ ବୋଲି ବିସିସିଆଇ ପକ୍ଷରୁ ସୂଚନା ମିଳିଛି।
